ინდოეთიშ ოკიანე

ინდოეთიშ ოკიანე სიდიდათ მასუმა წყარიშ გოჸორი რე საგებიოს დო დიხაუჩაშ ჟიპიჯიშ დოხოლაფირო 20%-ის ფორუნს. ოორუეთ ოთანჯუ ოჩხანე აზიას (ინდოეთიშ სუბკონტინენტის); ბჟადაალშე არაბეთიშ ჩქონს დო აფრიკას; ბჟაეიოლშე მორჩილ აზიაშ ჩქონს, ინდონეზიაშ კოკეფს დო ავსტრალიას; ოჩხანეშე ოჩხანეშ ოკეანეს. ატლანტიკაშ ოკიანეშე 20° ბჟაეიოლს მერიდიანი რთუნს, ნამუთ აგულაშ კონცხიშე ოჩხანეთ მეჯარჯუნს, დო ხოლო წყჷნარ ოკიანეშე 147° ბჟაეიოლიშ მერიდიანი. ინდოეთიშ ოკიანეშ არძაშ უმოს ოორუე ჭურჭული სპარსეთიშ ჸუჯის დოხოლაფირო 30° ოორუეშ განედის რე.

ინდოეთიშ ოკიანე დახე 10.000 კმ-რე სიგანეს აფრიკაშ ოჩხანე ჭურჭულს დო ავსტრალიაშ შქას; თიშ ფართობი რე 73.556.000 კმ², ჭითა ზუღაშ დო სპარსეთიშ ჸუჯიშ მეკოროცხილო. ოკეანეშ მოცულობა გჷმოკოროცხუათ 292,131,000 კმ³ ოკო რდას. კოკეფი უმოსო მუკე-მუკე დვალირ კონტინენტეფიშ გოხოლუას რე. ოკიანეშ კოკა-ქიანეფი რე: მადაგასკარი (საგებიოშ სიდიდათ მაანთხა კოკი), კომორიშ კოკეფი, სეიშელიშ კოკეფი, მალდივიშ კოკეფი, მავრიკი დო შრი-ლანკა. ინდონეზია ოკიანეს ოთანჯუ. ოკიანეშ, მუჭოთ სატრანზიტო შარაშ ნიშულობამქ, ბრელი კონფლიქტიშ მაძირაფუქ იჸუ. თიშ სიდიდაშ გეშა ნამთინ ქიანას თე ოკიანეშა ართპიროვნულ კონტროლქ ვაქიმინუ მა-19 ოშწანურაშახ, მუ ბორჯისჷთ დიდი ბრიტანეთიქ გინირთჷ დახე ნთელი ოთანჯე დიხეფიშ მადუდექ დო განმგებელქ.

რესურსფი ინტერნეტის

• The Indian Ocean and the Superpowers. Routledge. 1986. ISBN 0-7099-4241-9, 9780709942412
• NOAA In-situ Ocean Data Viewer
• The Indian Ocean in World History: Educational Website, Interactive resource from the Sultan Qaboos Cultural Center
• The Regional Tuna Tagging Project-Indian Ocean with details of the importance of Tuna in the Indian Ocean..
• Detailed maps of the Indian Ocean
• The Indian Ocean Trade: A Classroom Simulation