აბომეიშ ომაფე დოხორეეფი

ვიკიპედიაშე
აბომეიშ ომაფე დოხორეეფი*
იუნესკოშ მოსოფელიშ მონძალაშ ობიექტი
ქიანა ბენინი
ტიპი კულტურული
კრიტერიუმეფი iv
ერკებული იუნესკოშ ერკებული
რეგიონი** აფრიკა
კოორდინატეფი 7°11′08″ ო. გ. 1°59′17″ ელ. გ.
კათაფაშ ისტორია
კათაფა 1985 (მა-9 სესია)
ნომერი 323
საფრთხეშ თუდო 1084-2007
* ქძ. ინგლ. ჯოხო UNESCO-შ ერკებულს.
** იუნესკოშით კლასიფიცირაფილი რეგიონი.
იუნესკოშ შილა მოსოფელიშ მონძალა
UNESCO, ობიექტი № 323
რუს.ინგლ.ფრ.

აბომეიშ ომაფე დოხორეეფი — 40 ჰექტარს გინოზინდილი 12 დოხორეშ ბუნა ბენინიშ ნოღა აბომეიშ ცენტრის, ნამუთ ჯვეშო ბჟადალ აფრიკაშ დაგომეაშ ომაფეშ ნანანოღა რდჷ. ომაფე 1625 წანას ფონიშ კათაქ დარსხუ, ნამუეფქუთ თინა რჯგინაქუნილი ცხენენდური დო კომერციული იმპერიათ გინაშქვეს, სოდეთ მაჸონაფალი რდჷ ევროპალი ჭკორეფით გიმმაჩამუეფწკჷმა ვაჭრუა, მუთ XIX ოშწანურაშ ეკონია წანეფშახ იგინძორებუდ. დაგომეარეფი ჯინჯიერო ლჷმეფც ჭკორო ეჭოფილ კათას გჷმოჩანდეს. დოხორეეფიშ კომპლექსის, ედოუშამობას 8 000 ადამიერიშ დონტირა შეულებუდ. ომაფე ნოდგჷმობა ჟირი სართულშე აკმოდირთუდ.

1985 წანას იუნესკოქ დოხორეეფი მოსოფელიშ მონძალაშ ობიექტეფიშ ერკებულშა გემშეღჷ, მარა 1884 წანას მოხვამილაფირი ტორნადოშ მოღალუთ მეღებული ფორაშ გეშა, საფრთხეშ თუდო რენჯი ობიექტეფიშ ერკებულშა გეგნიღჷ. ეკონწყუალეფიშ სამუშეფიშ გეშა, 2007 წანას იუნესკოქ ობიექტეფიშ ერკებულშე ეშაღალა გეგნოჭყვიდჷ.

აბომეის, მუჭოთ იმპერიაშ კულტურულ ცენტრის, დოხორეეფი ვითოჟირ მადუდექ ეიოკიდჷ დო თინეფი ომაფეშ პოლიტიკურ ცენტრის წჷმარინუანდჷ 1695 -1900 წანეფს. მაართა მადუდე, ნამუქუთ დოხორეშ ეკიდუაშ ინიციატივა გჷმოთქუნ, რდჷ მაფა ჰუეგბაჯა, ნამუქუთ თაშნეშე დარსხუ ნოღა აბომეი.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]