აბულ-სამსარიშ ქჷნდჷრი

ვიკიპედიაშე

აბულ-სამსარიშ ქჷნდჷრი — მერიდიანული ქჷნდჷრი ობჟათე საქორთუოს. ახალქალაქიშ პლატოს გუმორთუნს წალკაშ ქვიბიშ დო ფარავანიშ ტობაშ ტაფობიშე. ოორუეშე გოხურგელიე წყმ. ქციაშ დო ობჟათეშე წყმ. ფარავანიშ ლეხერით. სიგჷრძა 40 კმ. ეაფილიე ნეოგენური დო მაოთხაშური ანდეზიტიშ, ანდეზიტ-დიციტიშ, ბაზალტიშ დო დოლერიტიშ ლავეფით, ტუფბრექჩიეფით დო ტუფებით. დასაბაღო მაღალი დო კინდღფერდეფამი ქჷნდჷრიშ მობირტყაფილ კუნწულს გორანწკილიე ქუამ-კირდამი ვულკანური გვალეფი: თავკვეთილი (2583 მ), შავნაბადა (2929 მ), სამსარი (3285 მ) ფირჩა, როხეფით მოფინელი კალდერათ. ობჟათეშე გერე აბულ-სამსარიშ ქჷნდჷრიშ დო ჯავახეთიშ ნარაზენიშ უმაღალაშ გვალა დიდი აბული (3301 მ) დო ხოლო უმოს ობჟათეშე — ჭიჭე აბული (2800 მ). გვალეფიშ ფერდიეფი დო ჯინჯი მოფინილიე კარკალით — თ. გ. ქუაშ ზუღეფით.

სამსარიშ ქჷნდჷრს წჷმოსქილადირიე ჯვეში გოჸინუაშ შანეფი : ცირკეფი, კარეფი დო ტროგეფი. გოქუნილიე სუბალპური დო ალური დოლოეფით. სამსარიშ, დიდი აბულიშ დო ნამთინე შხვა ვულკანური კონუსიშ ოორუე ფერდიეფს აფხვადუნა დეკიანეფით.


ლიტერატურა[რედაქტირაფა | წყუშ რედაქტირაფა]

  • ქართული საბჭოთა ენციკლოპედია, ტ. 1, გვ. 46, თბ., 1975 წელი.