ადოლფო ბიოი კასარესი
| ადოლფო ბიოი კასარესი | |
 ბიოი კასარესი 1968 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 8, 1999 (84 წანერი) |
| ღურაშ აბანი: |
ბუენოს-აირესი, არგენტინა |
| ერუანობა: | |
| საქვარუა: | |
| Magnum opus: |
მორელიშ გჷმოგონება (1940) |
| ნინა: | |
| ჯილდოეფი: |
სერვანტესიშ პრემია (1991) |
ადოლფო ბიოი კასარესი (ესპ. Adolfo Bioy Casares; დ. 15 ეკენია, 1914, ბუენოს-აირესი, არგენტინა — ღ. 8 მელახი, 1999, ბუენოს-აირესი, არგენტინა) — არგენტინალი ჭარუ, პოეტი, მათანგალი, ჟურნალისტი, კრიტიკოსი დო ბიბლიოთეკარი. რდჷ ხორხე ლუის ბორხესიშ მაჸალე. შინელი რე ფანტასტიკაშ ჟანრიშ რომანით "მორელიშ გჷმოგონება".
ბიოგრაფია
[რედაქტირაფა | წყუშ რედაქტირაფა]ადოლფო ბიოი კასარესიქ დებადჷ 1914 წანაშ 15 ეკენიას, ბუენოს-აირესის. ჭარალუათ ორდოიანი წანეფიშე დეინტერესჷ. 11 წანერი რდუნ თეშ კასარესიქ ჭარუ მუში მაართა თხობელუა. გურაფულენდჷ ბუენოს-აირესიშ უნივერსიტეტის, მარა ომენცარე ხარისხი ვემუღებუ. ოინტერესუდჷ ურცხოული ნინეფი დო ეჩი წანაშ მეულაშახ ჯგირო ქიდიგურუ ინგლისური, ფრანგული დო გერმანული. 1929-1937 წანეფს კასარესიქ გჷმაბჟინუ ნოველეფიშ დო თხობელუეფიშ კრებულეფი, ნამუეფით უკულიან პერიოდეფს ვამოწონდჷ. 1932 წანას კასარესიქ, არგენტალი ჭარუშ დო ინტელექტუალიშ ვიქტორია ოკამპოშ ჸუდეს გეჩინებაფუ ხორხე ლუის ბორხესი. კასარესიქ დო ბორხესიქ მაჸალეეფო გინირთეს დო H. Bustos Domecq, Benito Suárez Lynch ფსევდონიმეფით ართო ჭარუნდეს თხობელუეფს, ფენტეზიშ ჟანრიშ ნაწარმებეფს დო ართო რდეს არგენტინული ფილმეფიშ სცენარიშ ავტორეფი ხოლო. 1940 წანას კასარესიქ გჷმაბჟინუ რომანი მორელიშ გჷმოგონება, ნამუქჷთ ავტორს დიდი პოპულარობა მოუღჷ. წინგიქ ავტორს მუპალუ ბუენოს-აირესიშ მუნიციპალური ლიტერატურული პრემია 1941 წანას. წინგიშ სიუჟეტის გერსხილი რე ფრანგული დო იტალიური ფილმეფი. 1940-1941 წანეფს კასარესიქ, ბორხესი დო ვიქტორია ოკამპოშ და სილვინაწკჷმა ართო გჷმაბჟინუ ჟირი ლიტერატურული კრებული: ართი ორხველუდჷ ფანტასტიკაშ ჟანრიშ ლიტერატურაშ ანთოლოგიას დო მაჟირა არგენტინული პოეზიაშ ანთოლოგიას. 1940 წანას კასარესიქ ოსურო ქიმიჸუნჷ სილვინა ოკამპო.
ბიოი კასარესი რდჷ შხვადოშხვა პრემიეფიშ დო ჯილდოეფიშ ლაურეატი. 1975 წანას მიპალუ არგენტინაშ ჭარუეფიშ ასოციაციაშ პრემია, 1981 წანას გინოჩეს საფრანგეთიშ საპატიო ლეგიონიშ ორდენი, 1994 წანას კონექსიშ პრემია დო 1991 წანას სერვანტესიშ პრემია. რომანეფიშ გარდა ბიოი კასარესი ავტორი რე კონტა თხობელუეფიშ კრებულეფიშ, ესსეეფიშ, დღარეფიშ, შხვადოშხვა ფილმეფიშ სცენარეფიშ, ლერსეფიშ დო პოემეფიშ. კასარესიქ ღურუ 1999 წანაშ 8 მელახის, 84 წანერქ. ნთხორილი რე რეკოლეტაშ სასაფლას, ბუენოს-აირესის.
რესურსეფი ინტერნეტის
[რედაქტირაფა | წყუშ რედაქტირაფა]- ადოლფო ბიოი კასარესი ენციკლოპედია ბრიტანიკას
- ბიოგრაფიული ფაქტეფი (ესპანურო)
- კარიკატურა დო ნეკროლოგი literatura.org-ის (ესპანურო)
- ბიოი კასარესი www.Argentina.ar-ის (ინგლისურო)
- ბიოგრაფია დო ნახანდეფიშ ერკებული