დინორეშა გინულა

სერვანტესიშ პრემია

ვიკიპედიაშე
სერვანტესიშ პრემიაშ მენდალი

მიგელ დე სერვანტესიშ პრემია (ესპ. Premio de Literatura en Lengua Castellana Miguel de Cervantes) — ლიტერატურული პრემია. პრემია გინმაჩამუ ჸეთი გიშარჩქინელ ავტორეფს, ნამუეფით ესპანური ნინაშა ჭარუნა. პრემიაქ დირსხუ 1975 წანას ესპანეთიშ კულტურაშ სამინისტროშ ინიციატივათ დო თინა შინელი ესპანარი ჭარუშ, დონ კიხოტიშ ავტორიშ მიგელ დე სერვანტესიშ ჯოხონობაშ რე. პრემიას მოჸუნს ფინანსური ჯილდო 125,000 ევროშ მუდანობათ. ენციკლოპედია ბრიტანიკაშ აზრით სერვანტესიშ პრემია რე არძაშე უმოსო პრესტიჟული ჟილდო ესპანურნინამ ლიტერატურას.

2021 წანას მუნაჩემეფით პრემიას ჸუნს 47 ლაურეატი. ჸათავრეშე სუმი ლაურეატი (ოქტავიო პასი, მარიო ვარგას ლიოსა, კამილო ხოსე სელა), თაშნეშე რე ნობელიშ პრემია ლაურეატი ლიტერატურაშ დარგის. მაართა ავტორი ნამუქჷთ მიპალუ სერვანტესიშ პრემია რდჷ ხორხე გილიენი, 1976 წანას. მაართა ოსური ლაურეატი რდჷ მარია სამბრანო. სერვანტესიშ პრემიაშ ლაურეატეფი რდეს გიშარჩქინელი ჭარუეფი: ალეხო კარპენტიერი, ხორხე ლუის ბორხესი, ოქტავიო პასი, ერნესტო საბატო, კარლოს ფუენტესი, აუგუსტო როა ბასტოსი, ადოლფო ბიოი კასარესი, მიგელ დელიბესი, მარიო ვარგას ლიოსა, კამილო ხოსე სელა, გილერმო კაბრერა ინფანტე, ალვარო მუტისი, გონსალო როხასი, ფერნანდო დელ პასო დო შხვეფი.

ლაურეატეფი ქიანეფიშ მეჯინათ (2021 წანაშ მუნაჩემეფით)[რედაქტირაფა | წყუშ რედაქტირაფა]

აბანი ქიანა ლაურეატეფი
1 ესპანეთიშ შილა ესპანეთი 24
2 მექსიკაშ შილა მექსიკა 6
3 არგენტინაშ შილა არგენტინა 4
4 ჩილეშ შილა ჩილე 3
4 კუბაშ შილა კუბა 3
4 ურუგვაიშ შილა ურუგვაი 3
7 კოლუმბიაშ შილა კოლუმბია 1
7 ნიკარაგუაშ შილა ნიკარაგუა 1
7 პარაგვაიშ შილა პარაგვაი 1
7 პერუშ შილა პერუ 1
არძო 47

რესურსეფი ინტერნეტის[რედაქტირაფა | წყუშ რედაქტირაფა]