ავრელიანე

	ავრელიანე; ლათ. Aurelianus
	; ავრელიანეშ ბიუსტი
რომიშ იმპერატორი
პოსტის გერინაშ ბორჯი
	270 – 275
წიმოხონი	კვინტილუსი
მონძე	ტაციტუსი
ნაღურა	გერგობათუთა (?), 275 (61 წანერი); კენოფრურიუმი, თრაკია, რომიშ იმპერია
ალმასქუ	ულპია სევერინა
სქუალეფი	1 ცირასქუა
რელიგია	უდუმარცხებუ ბჟაშ კულტი

ლუციუს დომიციუს ავრელიანე (ლათ. Lucius Domitius Aurelianus; დ. დოხოლაფირო 214 — ღ. დოხოლაფირო გერგობათუთა, 275) — რომიშ იმპერატორი 270-275 წანეფს. რომიშ იმპერიაშო სერიოზული საფრთხეს წჷმარინუანდეს ბარბაროსეფი დო დინახალენი არყებეფი, ნამუეფქჷთ ძალამს დადაღარეს იმპერია. ავრელიანეშ ოურდუმე გომორძგუეფით, რომიშ იმპერიაქ მიოჭირინუ შანულამი სტაბილურობას.

ავრელიანექ დებადჷ პანონიას. 235 წანაშე ნინალენდჷ რომიშ არმიას. იმპერატორი გალიენუსიშ მართუალაშ ბორჯის, ავრელიანე ხემანჯღვერენდჷ კავალერიას. 268 წანას დოჸვილეს გალიენუსი. თიშ უკულ იმპერატორო გინირთჷ კლავდიუს გოთიკუსიქ. თიში მონძე რდჷ ჯიმა კვინტილუსი, ნამუთ ხვალე სუმი თუთაშ გოძვენას მართუნდჷ. კვინტილუსიშ უკულ იმპერიაშ ხვისტა ხეშა ქაშეჸოთჷ ავრელიანექ.

ავრელიანექ მართუალაშ ბორჯის დამარცხჷ ალემანეფი, გოთეფი, ვანდალეფი, იუთუნგეფი, სარმატეფი დო კარპეფი. 273 წანას, პალმირიშ იმპერიაშ დოჸუნაფაშ უკულ, რომიშ იმპერიაქ ბჟაეიოლი სანძღოეფი აკიდგინჷ. 274 წანას ავრელიანექ ქიდეკინჷ გალეფიშ იმპერია დო თიქ რომიშ აკოდგინალუაშა მიშელჷ. ართ-ართი პროვინცია ნამუქჷთ ავრელიანეს ვადართინუ რდჷ დაკია.

ავრელიანექ რომს ეიოგჷ საფორთიფიკაციო კიდა, ნამუსჷთ ავრელიანეშ კიდას უძახუდეს. თიქ, თაშნეშე ატარჷ მონეტარული რეფორმა, ვალუტაშ გაუფასურებაშ სააწმარენჯოთ.

ლიტერატურა

White, John (2015). The Roman Emperor Aurelian: Restorer of the World. Casemate Publishers and Book Distributors.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.