ათათურქიშ ჯოხოდვალაშ სტამბოლიშ აეროპორტი

ათათურქიშ ჯოხოდვალაშ სტამბოლიშ აეროპორტი İstanbul Atatürk Havalimanı
სტამბოლიშ აეროპორტი
კოდი IATA: IST – კოდი ICAO: LTBA IST აეროპორტიშ ორენი თურქეთის
ინფორმაცია
ტიპი	ომენოღალე
მაღვენჯი	Devlet Hava Meydanları İşletmesi
ოპერატორი	TAV Airports
ონინალჷ	ბაქირკოი, სტამბოლი
ორენი	თურქეთი
კოორდინატეფი	40.976111,28.81416740°58′34″ ოორ. გ. 28°48′51″ ელ. გ.
ეიოფურინალ-დაფურინალი საროტეფი (ედს)
ნომერი	ზჷმეფი	ოფორუე
17L/35R	3,000	ბეტონი
17R/35L	3,000	ბეტონი
05/23	2,580	ასფალტი
სტატისტიკა (2014)
მოშარეეფიშ მუდანობა	56,954,790
ოერფოშქაშე მოშარეეფიშ მუდანობა	38,200,788
წყუ:ოფიციალური ვებ-ხასჷლა

ათათურქიშ ჯოხოდვალაშ სტამბოლიშ აეროპორტი (თურქ. İstanbul Atatürk Havalimanı; (IATA: IST, ICAO: LTBA)) — ოერეფოშქაშე აეროპორტი სტამბოლს, თურქეთიშ უშხუაში აეროპორტი. იდვალუაფუ ნოღაშ ევროპულ ნორთის, ნოღაშ ისტორიული ცენტრიშ — სულთანახმეტიშ მოედანიშ ბჟადალშე 24 კილომეტრის, მარმარილოშ ზუღაშ წყარპიჯის. 1980 წანაშე, აეროპორტის თურქეთიშ მაართა პრეზიდენტიშ - მუსტაფა ქემალ ათათურქიშ ჯოხოდვალა უღუ.

მოშარეეფიშ ნინალაშ მუდანობაშ მეჯინათ, აეროპორტი ევროპას 4-ა დო მოსოფელს 13-ა რე. 2014 წანას, აეროპორტიშ მოშარეეფიშ მუდანობაქ 56 მილიონი ადამიერს გინაჩირთჷ. მუმალს, აეროპორტიშ გინოხარგუაშ გეშა, იგეგმუ სტამბოლიშ მასუმა ახალი აეროპორტიშ აკოგაფა, ნამუშ უკული ათათურქიშ აეროპორტი, საეგებიოთ, დიკილუ.

2000 წანაშ ღურთუთაშე, აეროპორტიშ მამართვალი ოპერატორი რე TAV Airports (Tepe-Akfen-Ventures), ნამუქჷთ აეროპორტიშ გავითარაფალო, 1998 წანაშე, 600 მილიონი დოლარი ინვესტიცია დინოდუ. 2005 წანას, TAV-ქ გიმორძგუ ტენდერს აეროპორტიშ ომართალო 15,5 წანაშ გოძვენათ.

აეროპორტიშ ტერიტორიას იდვალუაფუ თურქეთიშ ერუანული ავიაკომპანია Turkish Airlines-იშ შტაბ-ორენი, ნამუშოთ აეროპორტი თარი ორენი რე. თაშნეშე აეროპორტის ბაზირენა აბანური თურქული ავიაკომპანიეფი: Atlasglobal დო Onur Air.

ათათურქიშ აეროპორტწკჷმა ართო, სტამბოლს თაშნეშე ონინალჷ, ნოღაშ აზიურ ნორთის მადვალუ მორჩილი საბიჰა გიოქჩენიშ ჯოხოდვალაშ ოერეფოშქაშე აეროპორტი.

რესურსეფი ინტერნეტის

• აეროპორტიშ ოფიციალური საიტი (ინგლისური)