აკაჟუ

აკაჟუ, კაჟუ, ქეშიუ, ბჟადალური ანაკარდიუმი, ინდური თხირი (ლათ. Anacardium occidentale) — ჯა ჩვაჩვაბიშობურეფიშ ფანიაშე. ორთაშობურო ჩანს ტროპიკულ ამერიკას, დოჭყანაფილი რე შხვა ტროპიკულ ქიანეფსით. ჩანარიშ ოდაბადე რე ბრაზილია.

აკაჟუშ გუმნაღელი თხირიშნერი რე, იჭკომუ. თაშნეშე ოჭკომალო ირგებე (ლადირო ვარ-და კომპოტო) თიში შხუ ხორცამი ყერწით (ყურუგუმნაღელი). თასი იკათუანს ზეთის. გუმნაღელიშ ტყებიშე აკეთენა მელანს, თეშ გეშა აკაჟუშა უჯოხონა "მელანიშ ჯა". მარქვა, ნამუთ ჩინებული რე აკაჟუშ ვარ-და ჩე მაჰაგონიშ ჯოხოთ, მაღალი ღებაში რე, ხვარენა ოჭკადურე საქვარს. აკაჟუშე მიღებუაფუ თაშნეშე ოდაღამბა. კანკალეშა აკაჟუ უჯოხონა მელიაშობურეფიშ (ლათ. Meliceae) ფანიაშ ბჟადალაფრიკულ ჯა კჰაიაშა (ლათ. Khaya ivorensis), ნამუშ მარქვაშე აკეთენა ჭკუდის.

გალერეა

• 
  აკაჟუშ მონდა გუმნაღელი
• 
  აკაჟუშ ჯა
• 
  ჯღაგითოღალირ აკაჟუ იჭკომუ ლადირო ვარ-და ხაშილო
• 
  აკაჟუშე უშქურიშ ლიქიორიშ (მუჩეკელე) ფუნაფა მოზამბიკის
• 
  აკაჟუშ აკოჭირაკილი ფერმენტირაფილი გუმნაღელი, ოფუნაფალა რე მზათი, მოზამბიკი
• 
  ცირა-"მემელუკო" აკაჟუშ დოსხარსხილ ჯაშ თუდო (1641–1644). ხნტ. ალბერტ ექაუტი. დანიაშ ერუანული მუზეუმი
• 
  აკაჟუშ ჯაშ მიოჯინი ლავაჩარაშ ერუანულ პარკის, ბანგლადეში. 2016 წანა

ლიტერატურა

• სახოკია მ., ქორთული სხუნუეფიშ ენციკლოპედია, ტ. 1, ხს. 247, ქართი, 1975 წანა.