აკორდეონი

აკორდეონი, აკორდიონი (გერმ. Akkordeon) — პორტატიული პნევმატურნინამი მუსიკალური ინსტრუმენტეფიშ ართამი ჯოხოდვალა, ნამუეფსჷთ კვარჩხან კლავიატურას უღჷნა ზათ აკორდული აკომპანემენტიშ სისტემა. პირველი პროტოტიპული აკორდეონი გაჭყჷ გერმანალ ორსანტიქ კ. ფ. ლ. ბუშმანქ 1822 წანას, ჯოხო გიოდჷ — 1829 წანას ავსტრიალ ორგანიშ ორსანტიქ კ. დამიანქ თიშით გაუმჯგუშებულ გარმონიკას. XIX ოშწანურაშ 30-იანი წანეფშე აკორდეონქ ფართოთ მადჷ ბჟადალ ევროპას დო ამერიკაშ აკოართაფილ შტატეფს, უკული რუსეთის დო XX ოშწანურაშე — საქორთუოსჷც. ფართოთ მიდჷ ბჟაეიოლ საქორთუოს, შხირას გჷმირინუაფუდუ დიარას დოლწკჷმა ართო.

კორდეონს მარძგვანი ხეშ კლავიატურაშ დიაპაზონიშ შხვადოშხვა ზჷმაშ მეჯინათ — სუმი ოქტავა ვარ-და უმოსი რე. კვარჩხანი კლავიატურა კონჭამი რე (24-შე 140-შახ), ნამუთ შხვადოშხვა ტონალობას ირზენს ზათ აკორდის. აკორდეონს უღჷ „ნინეფიშ“ კომპლექტი, 2-5 მარძგვანი კლავიატურაშო დო 4-5 — კვარჩხანიშო. თენა ირზენს ტემბრიშ გომიარფერუანლაშ საშვალებას დო ოქტავათ ვარ-და უნისონურო სიმსეფიშ გომაჟირალაშ რზათ სიმაფიშ ჭყანა დო ტემბრიშ ფერუანობა ითირჷ.

ლიტერატურა[რედაქტირაფა | წყუშ რედაქტირაფა]