ალავიტეფი

ვიკიპედია-შე
Jump to navigation Jump to search
ვაშგოჩირთანი: ალაუვიტეფწკჷმა
ზულფიყარი, ალიშ მაღულარიშ სტილიზაფილი გჷმოხანტუალა წჷმარინუანს ალავიტეფიშ სიმბოლოს.

ალავიტეფი თაშნეშე ალავეფი (არაბ. علوية‎‎) — ისლამიშ ართ-ართი გემაჸვენჯობა. თარო გოფაჩილი რე სირიას, სოდე მახორობაშ დოხოლაფირო 11%-ის აკმადგინანა. ალავიტეფი აღიარენა შიიტური გემაჸვენჯობაშ ვითოჟირულეფიშ სკოლას, მორო რელიგიური სინკრეტიზმიშ ელემენტეფით. ალავიტეფი პატის არზენა ალის (ალი იბნ აბუ ტალიბი) დო ჯოხო ალავი შანენს ალიშ გემაჸვენჯის.

მირჩქინუაფუ, ნამჷ-და გემაჸვენჯობა IX ოშწანურა, იბნ ნუსაირქ დარსხჷ, თეშ გეშა ალავიტეფს მინშა ნუსაირეფსთ უძახჷნა (არაბ. نصيرية‎‎). ეშანილი ტერმინი კუჩხგემადგუმალი კონოტაციაშ მაღელი რე. შხვა ჯოხო ნასარი ნუსაირიშ ჩილათირი თანგუაშ შედეგი რე.

ალავიტეფს მინშა თურქეთის გოფაჩილ ალევიზმშა ოჩირთჷნა.

ფართას რდჷ გოფაჩილი ოსმალეთიშ იმპერიას. იმპერიაშ გოუქვაფაშ დო თურქეთიშ რესპუბლიკაშ გჷმოცხადაფაშ უკული, მუსტაფა ქემალქ ალავიტეფიშ თხოზინი ქჷდიჭყჷ. ალავიტეფქ გეგნორთეს ფრანგული მანდატით თხილერ სირიაშა, სოდე უჭიჭაშობაშო გიჭყჷ გიშაკერძაფილ ტერიტორიეფქ, თინეფს შქას ალავიტეფიშ სახენწჷფოქ. უკული ალავიტეფიშ სახენწჷფოქ გეუქვჷ, მორო ალავიტეფქ სირიაშ არმიაშ შანულამ ჭყანათ ქჷდოსქიდეს. თიშ უკული, მუთ 1970 წანას, სირიაშ ხეშუულებაშა, ოურდუმე გინორთაფაშ შედეგო სხუნუეფიშ რსხუშ ხუჯიშ დოკინათ, ალავიტი ჰაფეზ ალ-ასადიქ ქჷმორთჷ, თარობაშ ელიტას თარო ალავიტეფი წჷმარინუანდეს. ალ-ასადიშით ინიცირაფილი რდჷ, შიიტეფწკჷმა ალავიტეფიშ დახოლებაშ პროცესი. 1970 დო 1980 წანეფიშ ისლამურ არყაფილეფქ რსებული ნწყუალა წარწიშ გიმე ქეთიჸუნეს, ომენოღალე ლჷმაშ დოჭყაფაშ უკული — წარწიქ უმოსო მიძინჷ, გემანგარჷ ირანიშ შიიტურ რეჟიმწკჷმა სირიალი ალავიტეფიშ დოხოლაფაშ პროცესიქ.

ჩინებული ალავიტეფი[რედაქტირაფა | წყუშ რედაქტირაფა]

  • ჰაზეფ ალ-ასადი — სირიალი ოურდუმე, სახენწჷფო დო პოლიტიკური მოღალე, სირიაშ ჸოფილი დუდთხილუაშ მინისტრი, ჸოფილი პრემიერ-მინისტრი, ჸოფილი პრეზიდენტი დო გენერალი.
  • ბაშარ ალ-ასადი — სირიალი სახენწჷფო დო პოლიტიკური მოღალე, სირიაშ მოქიმინჯე პრეზიდენტი, სირიაშ აკონაჯარაფილი ნძალეფიშ თარსარდალი დო ბარტია ბაასიშ სირიაშ რეგიონული გჷმნართიშ მელამოსე. მარშალი. ჰაზეფ ასადიშ ქომოლსქუა.

ლიტერატურა[რედაქტირაფა | წყუშ რედაქტირაფა]

  • Kazimi, Nibras. Syria Through Jihadist Eyes: A Perfect Enemy, Hoover Institution Press, 2010. ISBN 978-0-8179-1075-4.