დინორეშა გინულა

ალბერტო მორავია

ვიკიპედიაშე
ალბერტო მორავია

ალბერტო მორავია 1982 წანას
ფსევდონიმი:

Alberto Moravia

დაბადებაშ თარიღი:

28 გერგობათუთა, 1907

დაბადებაშ აბანი:

რომი, იტალია

ღურაშ თარიღი:

ეკენია 26, 1990 (82 წანერი)

ღურაშ აბანი:

რომი, იტალია

ერუანობა:

იტალიარი

საქვარუა:

ჭარუ, ნოველისტი, დრამატურგი, ესსეისტი, ჟურნალისტი

Magnum opus:

გაურცხოაფილეფიშ ბორჯი (1929)
კონფორმისტი (1947)
რომაული თხობელუეფი (1954)
გოჯოგაფა (1954)
ჟირი ოსური (1957)

ჟანრი:

რომანი, თხობელუა

ნინა:

იტალიური ნინა

ჯილდოეფი:

სტრეგაშ პრემია (1952)
მარძოტოშ პრემია (1957)
ვიარეჯოშ პრემია (1961)
მონდელოშ პრემია (1982)

ალბერტო მორავია (იტალ. Alberto Moravia; თახმი ჯოხო ალბერტო პინჩერლე, იტალ. Alberto Pincherle; დ. 28 გერგობათუთა, 1907, რომი, იტალია — ღ. 26 ეკენია, 1990, რომი, იტალია) — იტალიარი ჭარუ, ნოველისტი, დრამატურგი, ესსეისტი დო ჟურნალისტი. თიში ნაჭარეფიშ თარი თემეფიე: თეხანური სექსუალურობა, სოციალური გაურცხოაფილაფა დო ეგზისტენციალიზმი. მორავია შინელი რე ოდებიუტე რომანით "გაურცხოაფილეფიშ ბორჯი" (1929) დო ანტიფაშისტური რომანით "კონფორმისტი". ჸათე რომანიშ სიუჟეტის რე გერსხილი იტალიარი კინორეჟისორიშ ბერნარდო ბერტოლუჩიშ 1970 წანას გინოღალირი ფილმი. მორავიაშ შხვადოშხვა ნაწარმებეფს რე გერსხილი მაურო ბოლონინიშ, ჟან-ლიუკ გოდარიშ, დამიანო დამიანიშ, ვიტორიო დე სიკაშ დო შხვა რეჟისორეფიშ კინო-ფილმეფი.

ალბერტო მორავიაქ, ჩხორო წანერი რდუნ თეშ, ქიდელახჷ ძვალიშ ტუბერკულოზით დო ჸათე ლახარაშ გეშათ თიქ დეინვალიდჷ. მაჟირა თარი ასპექტი ნამუქჷთ მორავიაშ ცხოვრებას დიდი ნეგატიური როლი ილაჸაფჷ რდჷ ფაშიზმი, ნამუშ კრიტიკოსი მორავია ირო რდჷ.

მორავიაქ ჭარალუათ ორდოიანი წანეფიშე დეინტერესჷ. უმოსო ოინტერესჷდჷ ჯოზუე კარდუჩიშ, ჯოვანი ბოკაჩოშ, თეოდორ დოსტოევსკიშ, ჯეიმზ ჯოისის, ლუდოვიკო არიოსტოშ, კარლო გოლდონიშ, უილიამ შექსპირიშ, მოლიერიშ, ნიკოლაი გოგოლიშ დო სტეფან მალარმეშ ნაწარმებეფი. მორავიაქ ახალობას ქიდიგურუ ფრანგული ნინა დო ლერსეფს ფრანგულო ხოლო ჭარუნდჷ. მაართა ნაჭარეფი 1920-იან წანეფს გჷმაბჟინუ.

ალბერტო მორავია რდჷ შხვადოშხვა იტალიური პრემიეფიშ დო ჯილდოეფიშ ლაურეატი. 1952 წანას მიპალუ სტრეგაშ პრემია, 1957 წანას მარძოტოშ პრემია, 1961 წანას ვიარეჯოშ პრემია დო 1982 წანას მონდელოშ პრემია. მორავია 13-შა რდჷ ნომინირაფილი ნობელიშ პრემიაშა, 1949-1965 წანეფს. 1959-1962 წანეფს უკინებუდჷ ავტორეფიშ საირქიანო ასოციაციაშ პენ-კლუბი-შ პრეზიდენტიშ პოსტი.

ალბერტო მორავიაქ ღურუ 1990 წანაშ 26 ეკენიას, 82 წანერქ. ნთხორილი რე რომიშ კამპო-ვერანოშ სასაფლას.

რესურსეფი ინტერნეტის[რედაქტირაფა | წყუშ რედაქტირაფა]