ალბორანიშ ზუღა

ვიკიპედიაშე

ალბორანიშ ზუღა — არძაშე ბჟადალური ზუღა სქირონაშქა ზუღას. აშახვილჷ გიბრალტარიშ საროტიშ წოხლე დო მუში სიგინძა დოხოლაფირო 400 კმ-ს ოჭირინდუანს, საიგანე სიგანა — 200 კმ-ს, ალბორანიშ ზუღაშ ოშქარი სიტომბა ოჭირინდუანს 1000-1500 მ-ს, მაქსიმალური სიტომბა ზუღაშ ბჟაეიოლ ნორთის რე დო თინა აკმადგინანს 2000 მეტრას. ზუღაშ სიტომბას რე მუდგაზმარენი წყარიშთუდონი ქჷნდჷრი. თენეფ შქას უდიდაში რე ალბორანიშ ქჷნდჷრი, ნამუთ გინოზინდილი რე ოორუეშე ბჟადალიშ ჸურე, თე ნორთის იდვალუაფუ ალბორანიშ ჭიჭე ვულკანური კოკეფი ხოლო. ქჷნდჷრი ზუღას რთჷნს სუმ ნორთო: ბჟადალ, ობჟათე დო ბჟაეიოლ ალბორანო.

ჟიპიჯიშ ტემპერატურა ზოთონჯის აკმადგინანს 15 °C, ზარხულს — 24 °C. დიდარი რე ალბორანიშ ზუღაშ ეკოსისტემა, თაქ ბრელი რე დელფინი დო ზუღაშ კუ. ზუღაშ წყარპიჯიშ ზოლს გოვითარაფილი რე მეჩხომალა.

რესურსეფი ინტერნეტის[რედაქტირაფა | წყუშ რედაქტირაფა]


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.