ალდაბრა

ატოლი ალდაბრა*
იუნესკოშ მოსოფელიშ მონძალაშ ობიექტი
NASA-შ ფოტო
ქიანა	სეიშელიშ კოკეფი
ტიპი	ორთაშობური
კრიტერიუმეფი	vii, ix, x
ერკებული	იუნესკოშ ერკებული
რეგიონი**	აფრიკა
კოორდინატეფი	9°24′00″ ობჟ. გ. 46°22′00″ ელ. გ.
კათაფაშ ისტორია
კათაფა	1982 (მა-6 სესია)
ნომერი	185
* ქძ. ინგლ. ჯოხო UNESCO-შ ერკებულს.
** იუნესკოშით კლასიფიცირაფილი რეგიონი.

მოსოფელიშ მონძალა UNESCO, ობიექტი № 185 რუს. • ინგლ. • ფრ.

ალდაბრა — მოსოფელიშ მაჟირა არძაშე დიდი მარჯანიშ ატოლი, იდვალუფუ ინდოეთიშ ოკიანეს, ალდაბრაშ კოკეფიშ ბუნას, წჷმარინუანს სეიშელიშ კოკეფიშ დორხველობას. უდუხორუ დო ექსტრემალურო იზოლირაფილი ალდაბრა ადამიერეფშე ფაქტიურო ხეუმუთხჷმუ რე. მუს გაჩქჷ გოშხვავაფილი, კოკიშ ფაუნა, ნამუთ იკათუანს ალდაბრის გიგანტურ კჷეფს. 1982 წანაშე ატოლი მიშულირი რე იუნესკოშ მოსოფელიშ მონძალაშ ობიექტეფიშ ერკებულშა.

ალდაბრა მაართათ 1511 წანას პორტუგალიარ მეზუღურეფქ მიძირეს. თინა ბრელით წოხოლე რდჷ ჩინებული არაბეფშო, ნამუეფშეთ მუქ მუში ჯოხო მიღჷ. XVIII ოშწანურაშ შქა წანეფს, ბუნა საფრანგეთიშ რეუნიონიშ კოლონიაშ აკოდგინალუაშა მიშმეშჷ, სოურეშეთ გიგანტური კჷეფიშ ოჭოფალო ექსპედიციეფი ინწყუაფუდუ.

1810 წანას, მავრიკიქ, რეუნიონქ, სეიშელეფქ დო შხვა კოკეფქ დიდი ბრიტანეთიშ დორხველობაშა გინილჷ. უკულიანშო რეუნიონქ კინე საფრანგეთის დართჷ, ალდაბრა სეიშელიშ შხვა კოკეფწკჷმა ართო მავრიკიქ ქიმიღჷ. კოკიშ წოხოლენ მახორობას სეიშელარი ემიგრანტეფი წჷმარინუანდეს. XIX ოშწანურას თაქ მეზუღურეფი ჩენდუდეს დო კჷეფს გიანთხუდეს, ნამუსჷთ თინეფი ოჭკომალო გჷმირინუანდეს. 1842 წანას, ჟირი ხვამარდი უჭყაფულენდჷ, ნამჷდა თინეფქ 1200 კჷ ოჭოფეს. 1900 წანაშო თინეფქ დინაფაშ კარშა ქიმერთეს დო შხირას ეკიპაჟი ართი კჷშ ოგორალო სუმ დღას ოხვილჷდჷ.

ქოძირით თაშნეშე

• მოსოფელიშ მონძალაშ ობიექტეფიშ ერკებული აფრიკას

რესურსეფი ინტერნეტის

• Aldabra at the Ministry of Environment, Seychelles Archived 2009-01-07 ვებ-ხასჷლას Wayback Machine.
• Aldabra at the Seychelles Islands Foundation Archived 2006-08-22 ვებ-ხასჷლას Wayback Machine.
• Aldabra Marine Programme
• Aldabra Atoll at the UNESCO World Heritage Site
• "Expedition Aldabra"