ალფრედ კრებერი

ვიკიპედიაშე
ალფრედ კრებერი
ინგლ. Alfred Kroeber

ალფრედ კრებერი დო იში, იაჰიშ კათაშ ეკონია წჷმმარინაფალი, 1911 წანას
დაბადებაშ თარიღი:

11 მანგი, 1876

დაბადებაშ აბანი:

ჰობოკენი, ნიუ-ჯერსი, ააშ

ღურაშ თარიღი:

გჷმათუთა 5, 1960 (84 წანერი)

ღურაშ აბანი:

პარიზი, საფრანგეთი

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ანთროპოლოგია

სამუშაშ აბანი :

კალიფორნიაშ უნივერსიტეტი

ალმა-მატერი:

კოლუმბიაშ უნივერსიტეტი

ომენცარე ხემანჯღვერი:

ფრანც ბოასი

ჯილდოეფი დო პრემიეფი:

ამერიკაშ ხელუანობეფიშ დო მენცარობეფიშ აკადემიაშ მაკათური
მენცარობეფიშ ერუანული აკადემიაშ მაკათური
ვიკინგიშ ფონდიშ მენდალი (1946)

ალფრედ ლუის კრებერი (ინგლ. Alfred Louis Kroeber; დ. 11 მანგი, 1876, ჰობოკენი, ნიუ-ჯერსი, ააშ — ღ. 5 გჷმათუთა, 1960, პარიზი, საფრანგეთი) — ამერიკალი ანთროპოლოგი.

ალფრედ კრებერიქ დებადჷ გერმანალი პროტესტანტეფიშ ფანიას. კრებერიქ ბაღანობაშე დეინტერესჷ ნინეფით დო სკოლაშ პერიოდიშე დიჭყჷ ლათინურიშ დო ბერძენულიშ გურაფა.

კრებერიქ, 1892 წანას გემშართჷ კოლუმბიაშ უნივერსიტეტიშა, სოდეთ დიო ინგლისური ლიტერატურას გურაფულენდჷ დო უკულ ანთროპოლოგიას. ოდოქტორე დისერტაცია თხილუ 1901 წანას ფრანც ბოასიშ ხემანჯღვერობათ.

გურაფაშ თებაშ უკულ, კრებერი მუშენდჷ კალიფორნიაშ უნივერსიტეტის (ბერკლი), სოდეთ რდჷ ანთროპოლოგიაშ პროფესორი დო კალიფორნიაშ ანთროპოლოგიაშ მუზეუმიშ დირექტორი.

ალფრედ კრებერი უმოსო შინელი რე მუჭოთ კულტურაშ ანთროპოლოგი, მარა ჸათე დისციპლინაშ გარდა თინა მოღალენდჷ არქეოლოგიას დო ანთროპოლოგიური ლინგვისტიკას ხოლო. კრებერი მონაწილენდჷ არქეოლოგიურ გონთხორუეფს ნიუ-მექსიკოს, მექსიკას დო პერუს. პერუს, თიქ პერუალი არქეოლოგი ხულიო სესარ ტელოწკჷმა ართო დარსხუ ანდეფიშ რკვიებეფიშ ინსტიტუტი.

კრებერიქ დო თიში სტუდენტეფქ მიშეღეს დიდი თია ამერიკაშ აბორიგენეფიშ კულტურაშ რკვიებაშა. ინფორმაცია ჸათე რკვიებეფიშ გეშა მოჩამილ რე კრებერიშ 1925 წანაშ წიგნის "კალიფორნიაშ ინდიარეფიშ ოხემანჯღვერე". კრებერი ეთმოჭარუნს კალიფორნიაშ ინდიარეფიშ ჯარალუას. კრებერიშ ნტკიცებათ სოციალური ბუნეფი ჸათაქ უმოსო ჭიჭე დო ნაკლებო იერარქიული რე. ჸათიცალ ორგანიზაციას კრებერი "tribelet"-ის უძახჷდჷ დო ჸათე ტერმინი ხოლო მუქ მიშეღჷ. თაშნეშე, კრებერიქ მიშეღჷ ტერმინი "კულტურული არეალი"-შ კონცეფცია.

კრებერიშ ნახანდეფიშე შანულამი რე "ანთროპოლოგია", "კულტურული რდუალაშ კონფიგურაციეფი", "ამერიკაშ აბორიგენეფიშ პოპულაციეფი", "კალიფორნიაშ ინდიარეფიშ რელიგიეფი" დო შხვა.

ალფრედ კრებერის უძახჷდეს ამერიკალი ანთროპოლოგეფიშ დეკანს. თინა მერჩქინელი რე XX ოშწანურაშ ამერიკული ანთროპოლოგიაშ ართ-ართ უდიდაშ წჷმმარინაფალო.

ალფრედ კრებერიშ სქუა რდჷ გიშარჩქინელი ამერიკალი ჭარუ, პოეტი დო ნოველისტი ურსულა კრებერ ლე გუინი.

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: