ალცჰაიმერიშ ლახარა
| ალცჰაიმერიშ ლახარა | ||
|---|---|---|
 | ||
| დუდიშ ტვინიშ ნორმალური აკოგაფა (კვარჩხანშე) დო ალცჰაიმერიშ ლახარაშ მოღვენი ადამიერიშ დუდიშ ტვინი (მარძგვანშე). მახასიათაფალეფი, ნამუეფჷთ თინეფს ართიანშე გიშმართჷნს. | ||
| ICD-10 | G30., F00. | |
| ICD-9 | 331.0, 290.1 | |
| OMIM | 104300 | |
| DiseasesDB | 499 | |
| MedlinePlus | 000760 | |
| MeSH | D000544 | |
ალცჰაიმერიშ ლახარა (AD), თაშნეშე ჩინებული მუჭოთ ალცჰაიმერი — ქრონიკული ნეიროდეგენერაციული ლახარა (ნერვული სისტემაშ დეგენერაციული ლახარა), ნამუთ დუდშე ონდეთ ივითარებუ დო ბორჯიშ გოძვენას იუფრაშებუ[1][2][2]. დემენციაშ გჷმმაჭანაფალ ბაძაძეფს შქას რე, ალცჰაიმერი არძაშე შხირას — გიშარჩქინელ შვანეფიშ 60-70%-ის ჯოხოიდვალუაფუ. ლახარაშ გოვითარაფაშ დაჭყაფურ ეტაპის, თარი სიმპტომი რე ბოლო ბორჯის მჷნახვამილეფუ მოლინეფიშ დოჭყოლადა[1]. ლახარაშ პროგრესირაფაშეხ, სიმპტომეფი შილებე იკათუანდას რაგადიშ პრობლემეფს, დეზორიენტაციას, ხასიათის გუმოარგამებულ თირუეფს, მოტივაციას დინაფას დო რჯებაშ ოკითხირეეფიშ გოუფრაშაფა[1][2]. დგომარობაშ გოუფრაშაფაწკჷმა ართო, ალცჰაიმერიშ დიაგნოზიშ მოღვენი ადამიერუ ფანიაწკჷმა დო ჯარალუაწკჷმა რინელ ურთიართობას მეთმიოტალენს[3]. ჭიე-ჭიეთ, ოთელარე ფუნქციეფი აკმირცუაფუ, ნამუთ საბოლათ, ფატალური შედეგით ითებუ[3]. თიშ უმკუჯინალო, ნამჷ-და ალცჰაიმერიშ პროგრესირაფა ინდივიდუალური რე, ლახარაშ გოვითარაფაშ დაჭყაფური პერიოდიშე დალახებური ადამიერიშ თელარაშ ოშქაშე ხანგჷნძინალა 3-9 წანა რე[4][5].
ალცჰაიმერიშ ლახარაშ გჷმმაჭანაფალი ბაძაძეფიშ დოდგინა, შხირ შვანს, ვემიხუჯინე[1]. ლახარაშ გჷმმაჭანაფალი რისკეფიშ დოხოლაფირო 70%, გენეტიკურ ფაქტორეფს არსხუაფუ. თაშნეშე, ალცჰაიმერი, შილებე გჷმიჭანუას დუდიშ ზოკოშ დაღამაკებაქ, დეპრესიაქ ვარ-და არტერიულ ჰიპერტენზიაქ[1].
რესურსეფი ინტერნეტის
[რედაქტირაფა | წყუშ რედაქტირაფა]
- ალცჰაიმერიშ ლახარა ვებ-ხასჷლას Open Directory Project
სქოლიო
[რედაქტირაფა | წყუშ რედაქტირაფა]- ↑ 1.0 1.1 1.2 1.3 1.4 (February 2009) „Alzheimer's disease“. BMJ 338: ხს. b158. DOI:10.1136/bmj.b158. PMID 19196745.
- ↑ 2.0 2.1 2.2 Dementia Fact sheet. World Health Organization (December 12, 2017).
- ↑ 3.0 3.1 About Alzheimer's Disease: Symptoms. National Institute on Aging. კითხირიშ თარიღი: 28 December 2011.
- ↑ (January 2010) „Alzheimer's disease“. The New England Journal of Medicine 362 (4): ხს. 329–44. DOI:10.1056/NEJMra0909142. PMID 20107219.
- ↑ (November 2013) „Survival in dementia and predictors of mortality: a review“. International Journal of Geriatric Psychiatry 28 (11): ხს. 1109–24. DOI:10.1002/gps.3946. PMID 23526458.