ამიენიშ ოკათედრე ოხვამე

ვიკიპედიაშე
ამიენიშ ოკათედრე ოხვამე*
იუნესკოშ მოსოფელიშ მონძალაშ ობიექტი
ქიანა საფრანგეთი
ტიპი კულტურული
კრიტერიუმეფი i, ii
ერკებული იუნესკოშ ერკებული
რეგიონი** ევროპა
კოორდინატეფი 49°53′42″ ოორ. გ. 2°18′08″ ელ. გ.
კათაფაშ ისტორია
კათაფა 1981 (მა-5 სესია)
ნომერი 162
* ქძ. ინგლ. ჯოხო UNESCO-შ ერკებულც.
** იუნესკოშით კლასიფიცირაფილი რეგიონი.
იუნესკოშ შილა მოსოფელიშ მონძალა
UNESCO, ობიექტი № 162
რუს.ინგლ.ფრ.

ამიენიშ ჯეგემარიაშ ოკათედრე ოხვამე (ფრანგ.: Cathédrale Notre-Dame d'Amiens) — არძოშე მაღალი კათედრალი საფრანგეთის უდიდაში ინტერიერით (200.000 მ³). გუმბათუანი ორგალეფიშ აპექსი 42.30 მეტრაშ სიმაღალაშ რე, მუთ მუშ განშე არძოშე მაღალი რე საფრანგეთის. თე მონუმენტური ოკათედრე ოხვამე იდვალუაფუ ამიენს, პიკარდიშ თარ ნოღას, წყარმალუ სომიშ ლეხერს, პარიზშე 100 კმ-ს.

ნაჭარა წყუეფიშ სინორკე თე გოთური კათედრალიშ ეკიდუაშე შილებე გოპიჯალაფირი რდას ხანძარეფით, ნამუეფქთ 1218 დო 1258 წანეფს ოხვამეშ არქივეფი ქეკიდინუ დო კათედრალს ხოლო დიდი გავალი მიორინუ. 1220 წანას ეპისკოპოს ევრარ დე ფუილქ წჷმიჭყჷ ეკანწყუალაშ მუშობეფი; რობერ დე ლუზარქი არქიტექტორი რდჷ 1228 წანაშახ, უკული 1258 წანაშახ თექ თომას დე კორმონი მუშენდჷ. მუში სქი, რენო დე კორმონი არქიტექტორიშ მოვალობას ასრულენდჷ 1288 წანაშახ. კორბიშ ქრონიკეფი კათედრალიშ მოთებაშ ვადათ 1266 წანას მიშინუანს. ოხვამეშ გესვარონეფი მიარე სიმბოლოთ რე მოფორილი, თინეფ შქას ეიოშანალი რე სვასტიკეფი. ლაბირინთიქ გესვარონს 1288 წანას გიაძინჷ. კათედრალს თაშნეშე მიარე ბარჩხალა სკულპტურა ასქვამენს. გინოჩამათ კათედრალს ოკო რდას იოანე ნათლისმცემელიშ დუდი, ნამუთ კონსტანტინოპოლშე ვალონ დე სარტონს ოკო მოუღალუდუკო, ნამუთ მაოთხა ჯვაროსნულ ლაშქუეფშე ირთუდუ.

ამიენიშ ნოტრ-დამი 1981 წანაშე იუნესკოშ მოსოფელიშ მონძალაშ ობიექტეფიშ ერკებულშა რე მიშაღალირი.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]