ამტყელი

ვიკიპედიაშე
ამტყელიშ ტობა
ორენი გულრიფშიშ მუნიციპალიტეტი
სიმაღალა ზუღაშ დონეშე 507
ფართობი 0,58 კმ²
მოცულობა 64 კმ³
ღანჩოშ ფართობი 153 კმ²

ამტყელი (აზანთა) — ტობა ბჟადალ საქორთუოს, აფხაზეთის, გულრიფშიშ მუნიციპალიტეტის. იდვალუაფუ ზუღაშ დონეშე 507 მეტრაშ სიმაღალას. ჟიპიჯიშ ფართობი რე 0,58 კმ², ღანჩოშ — 153 კმ², სიტომბა რე 64 მ. წანაშ მალობას წყარიშ დონეშ ძანძუაშ (მერყეობა) გეშა (30-35 მ) თირაფადი რე ტობაშ ჟიპიჯიშ ფართობი დო სიტომბა. ამტყელქ წჷმირცხუ 1891 წანაშ 3 გჷმათუთას, მუჟამს გვალა პატარა შხაპაჭიშ ფერდიშ მუკონწყუალაშ შედეგო თაქ შარაქ გეგნაჩიხჷ წყარმალუ ამტყელს.

ამტყელი ირდუ თჷრიშ დო ჭვემაშ წყარით. წყარიშ დონე მაღალი რე აფუნიშ ბოლოს დო ზარხულიშ დაჭყაფუს, დაბალი რე — ზოთონჯის. ტობას აკათუ წყარმალუ ამტყელი. ამტყელიშ წყარი რგილი რე, ზარხულს ჟიპიჯის მუში ტემპერატურა რე 18-20 °C, ქვინჯიწკჷმა — 5 °C. იჸინუ ხვალე ჩხურუამ ზოთონჯის.

ამტყელს ინოხე კალმახა, წვერა, ტობი, ფრიტა დო შხვა ჩხომი.

ლიტერატურა[რედაქტირაფა | წყუშ რედაქტირაფა]

აფხაზავა ი., ქორთული სხუნუეფიშ ენციკლოპედია, ტ. 1, ხასჷლა 409, ქართი, 1975 წანა.