ანაის ნინი

ვიკიპედია-შე
ნავიგაციაზე გადასვლა ძიებაზე გადასვლა
ანაის ნინი
Anais Nin.jpg
ანაის ნინი 1970-იან წანეფს
დაბადებაშ თარიღი:

21 ფურთუთა, 1903

დაბადებაშ აბანი:

ნეი-სიურ-სენა, საფრანგეთი

ღურაშ თარიღი:

ღურთუთა 14, 1977 (73 წანერი)

ღურაშ აბანი:

ლოს-ანჯელესი, კალიფორნია, ააშ

ერუანობა:

Flag of The United States.svg ამერიკალი

საქვარუა:

ჭარუ, ნოველისტი, ესსეისტი, დღარეფიშ ავტორი

Magnum opus:
  • ვენერაშ დელტა
  • ჭიჭე ჩიტეფი
  • ინცესტიშ ჸუდე
ნინა:

ინგლისური ნინა

ხეშმოჭარუა

ანხელა ანაის ხუანა ანტოლინა როსა ედელმირა ნინ ი კულმელი (ესპ. Angela Anais Juana Antolina Rosa Edelmira Nin y Culmell; ფრანგ. Anaïs Nin; დ. 21 ფურთუთა, 1903, ნეი-სიურ-სენა, საფრანგეთი — ღ. 14 ღურთუთა, 1977, ლოს-ანჯელესი, კალიფორნია, ააშ) — საფრანგეთის დუნაბადჷ ამერიკალი ჭარუ, ნოველისტი, ესსეისტი დო დღარეფიშ ავტორი.

ანაის ნინიქ დებადჷ საფრანგეთის, კუბარი პიანისტიშ დო კომპოზიტორიშ ხოაკინ ნინიშ დო მობირე როსა კულმელიშ ფანიას. ანაის ნინიქ ბაღანობა ესპანეთის დო კუბას გატარჷ. 1924-1940 წანეფს საფრანგეთის ცხოვრენდჷ. 1940-იან წანეფს ოცხოვრებშა ამერიკაშა გეგნორთჷ, სოდეთ გიშარჩქინელ ავტორი გინირთჷ.

ანაისიქ ლიტერატურული კარიერა დღარეფიშ ჭარუათ დიჭყჷ. ჸათე ნაჭარეფს თინა დეტალურო ეთმოჭარუნდჷ მუში რინაშ პერიოდეფს, ფირქეფს დო პერსონალურ ურთიართობას ქომონჯეფიწკჷმა იან ჰიუგოწკჷმა, რუპრეტ პოულიწკჷმა, თაშნეშე ჸოროფილეფიწჷმა (ოტო რანკი, ჰენრი მილერი). ჸათე ადამიერეფიწკჷმა ურთიართობაქ დიდი გოლინა იღვენუ ანაის ნინიშ ლიტერატურული კარიერაშა.

დღარეფიშ გარდა ნინი ავტორი რე რომანეფიშ, კრიტიკული რკვიებეფიშ, ესსეეფიშ დო კუნტა თხობელუეფიშ. ნინიშ ნაჭარეფიშ უმენტაშობა ეროტიკული ხასიათიში რე. ანაის ნინი შინელი რე ეროტიკული თხობელუეფიშ კათელეფით: "ვენერაშ დელტა" დო "ჭიჭე ჩიტეფი", ნამუეფქჷთ ავტორიშ ღურაშ უკულ გიშართჷ. ანაის ნინი ლოს-ანჯელესის ცხოვრენდჷ, სოდეთ დოღურუ 1977 წანაშ 14 ღურთუთას, კიბოთ, 73 წანერქ. ნინი 1976 წანას ნომინირაფილი რდჷ პრესტიჟული ნეიშტადტიშ საირქიანო ლიტერატურული პრემიაშა.

გიშნაგორა ნაჭარეფი[რედაქტირაფა | წყუშ რედაქტირაფა]

რომანეფი[რედაქტირაფა | წყუშ რედაქტირაფა]

  • House of Incest (1936)
  • Winter of Artifice (1939)
  • Cities of the Interior (1959, ხუთ ტომო)
  • Collages (1964)

კუნტა თხობელუეფი[რედაქტირაფა | წყუშ რედაქტირაფა]

  • Waste of Timelessness
  • Under a Glass Bell (1944)
  • Delta of Venus (1977)
  • Little Birds (1979)
  • Auletris (2016)

რესურსეფი ინტერნეტის[რედაქტირაფა | წყუშ რედაქტირაფა]

Commons-logo.svg
ვიკიოწკარუეს? რე ხასჷლა თემაშენ: