ანალური სექსი

ვიკიპედია-შე
გეგნორთი: ნავიგაცია, გორუა
Anal Intercourse Artwork.jpg
ადრიანი დო ანტონიუსი, ედუარდ ანრი ავრილიშ ნახანტა

ანალური სექსი (ლათ. anus — ანალური რხვილი, უკახალენი ტანი) — სქესობური აქტი, მუჟამსჷთ პენისი მინმურს ანალურ რხვილშა.

ტერმინიშ ზუსტი შანულობა[რედაქტირაფა | წყუშ რედაქტირაფა]

ანალური ფისთინგი, ანილინგუსი დო ანუსშა შხვადოშხვა მეკონიშ მიშაჸონაფა რე ხვალე ანალური სტიმულაცია, მარა, ანალურ სექსო ვეკოროცხუ. თეშ უმკუჯინალო, ვაპროფესიული რაგადიშ ბორჯის, ანალურ სექსი უჯოხონა სექსუალური პრაქტიკაშ თე გვარობეფშათ.

ისტორია დო გოფაჩუაშ არეალი[რედაქტირაფა | წყუშ რედაქტირაფა]

ანალური სექსი ადამიაერიშ გოვითარაფაშ უკვე ორდოშიან ეტაპის მუთმოფხვადჷნა. გონთხორუეფიშ ბორჯის, ანტიკურ ამფორეფს მიოგორეს, სოდე ანალური სექსი რე გჷმოხანტილი. რსებენს ნახანტეფი დო ლიტერატურული ნაწარმეფი, სოდე ანალური სქესობური აქტი რე ეჭარილი. ფოტო დო კინოინდუსტრიაშ გოვითარაფაქ ანალური სექსიშ პორნოგრაფიას ფართოთ გჷმორინაფა მიღჷ.

ანალურ სექსის თარო გჷმირინუანა ვაგინალური სექსიშ ვაშელუამობას ვარდა კორინიშ ვაღვენაშ ბორჯის (მენსტრუაცია, მოკათალა, მოკათალაშ შიში, ხალაშ უკულიანი პერიოდი, ლახარა ვარდა აფსოშ გოვითარაფაშ მანკი, ქარწუნობაშ ასქილადაშ კორინი დო შხვა), თაშნეშე, სექსუალური გინაფეფიშ დო ჰორიზონტეფიშ გოფაჩუა.

ანალური სექსი ქომოლკოჩ ჰომოსექსუალესჷთ რე გოფაჩილი. კანკალე იზოლირაფილ აბანეფს (საჯჸოფაშ გუნაჭყაფუეფს, ოურდუმე ნორთი) ანალური სექსი იერარქიაშ ასქილადაშ ართ-ართი საშუალება რე. ანალურ სექსის კანკალეშა დასაჯებაშ ღანკშოთ გჷმირინუანა (გაუპატიურაფა).

ასეშო ანალური სექსიშო რსებული არზი ართჸურე, რელიგიურ მოტივეფშა რე გერსხილი, სოდე თეჯგურა რსხუ ცოდაწკჷმა რე გომანგაფილი, მაჟირაჸურე, ბჟადალურ მენტალიტეტწკჷმა, სოდე უკახალენ ტანს სიწინდარეშ დო ოღალაფარ ორგანოწკჷმა ამანგენა.

2006 წანაშ მუნაჩემეფით, ააშ-ს 20-შე 39 წანაშახ ქომოლკოჩეფიშ 38,2% დო 18-შე 44 წანაშახ ოსურეფიშ 32,6% ანალური სექსით რე დოკაფილი აწმარენჯი სქესიშ წჷმმარინაფალწკჷმა. თღე მუნაჩემეფით დედგინუ, ნამჷ-და ანალური სქესობური აქტიშ მაკორინეეფიშ მუდანობა ონდეთ ძინელი რე 1992 წანაშ მუნაჩემეფიშ მეჯინათ. თიმ ბორჯის, ქომოლკოჩეფიშ ხვალე 25%-ს უღუდჷ მოგვენი რსხუ ოსურწკჷმა, სუსტი სქესიშ წჷმმარინაფალეფს თე მაძირაფალი 20,4%-ს ვეგნმაჩირთუ.

ინფექციური ლახარეფი[რედაქტირაფა | წყუშ რედაქტირაფა]

ანალური სექსიშ ბორჯის შხვადოშხვანერი ინფექციური დო ვენერიული ლახარეფიშ გინოდვალაშ რისკი იძინუ. თე ლახარეფს შქასი რე: შიდსი, სიფილისი, ჰეპატიტი, გონორეა, ტრიქომონოზი დო შხვა. თაშნეშე მერჩქინელი რე, ნამჷ-და ანალური სექსით უმოს ქექაშე ილახებუ ადამიერი შიდსით, ვინდარო ვაგინალურით. თეშ მოხ, სინთელუამ ადამიერსჷთ თინ ჭჷს მიკროფლორა უღუ, ნამუშ ობჟღერე არხის მოხვალამაშ ბორჯისჷთ ურეთრიტიშ გჷმოჭანაფა შეულებუ.

რეკომენდაცია, კვარჩხმაძირაფუ დო უშქურანჯობაშ ზჷმეფი[რედაქტირაფა | წყუშ რედაქტირაფა]

  • ინფექციური ლახარეფიშ დუდშე ეიოჩილითარო რეკომენდებული რე პრეზერვატივიშ გჷმორინაფა.
  • თიშენ ნამჷ-და, ჭჷშ მიკროფლორას ვახვალე ურეთრაშ ანთებაშ გჷმოჭანაფა შეულებჷნ, თაშნეშე ვაგინაშჷთ, ანალურშე ვაგინალურშა გინულაშ ბორჯის პრეზერვატივიქ ოკო დითირას, აქტიშ თებაშ ბორჯის ომანგე ჰიგიენური ქიმინუეფს იმაჯნას ოკო.
  • ანუსშა პენისიშ უწყუნაფუო მითონტირინაფაშო უციო რე გაზეთალი საშუალებაშ გჷმორინაფა, სამანგათ, ვაზელინიშ ვარდა ირნერ შხვა ლუბრიკანტიშ.
  • პრეზერვატივიშ გჷმორინაფაშ ბორჯის, გაზეთალი საშუალება წყალიშ ოსხირშე ოკო რდას კეთებული, თიშენ ნამჷ-და, ლატექსიქ ვედიზიანასჷნ.
  • თიმ შვანს, თუ პენისი მეტიშ მეტო გჷრძე რე, გჷმახურგე რგოლეფიშ გჷმორინაფა რე ოხვილური.


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.
Commons-logo.svg
ვიკიოწკარუეს? რე ხასჷლა თემაშენ: