დინორეშა გინულა

ანა ზეგერსი

ვიკიპედიაშე
ანა ზეგერსი
გერმ. Anna Seghers

ზეგერსი 1966 წანას
დაბადებაშ თარიღი:

19 გერგობათუთა, 1900

დაბადებაშ აბანი:

მაინცი, გერმანიაშ იმპერია

ღურაშ თარიღი:

მანგი 1, 1983 (82 წანერი)

ღურაშ აბანი:

ბჟაეიოლი ბერლინი, გდრ

ერუანობა:

გერმანალი

საქვარუა:

ჭარუ, ნოველისტი

Magnum opus:

მაშკვითა ჯვარი
ტრანზიტი

ჟანრი:

რომანი

ნინა:

გერმანული ნინა

ჯილდოეფი:

გდრ-შ ერუანული პრემია (1951, 1959)

ანა ზეგერსი (გერმ. Anna Seghers; თახმი ჯოხო: ანა (ნეტი) რაილინგი, გერმ. Anna (Netty) Reiling; დ. 19 გერგობათუთა, 1900, მაინცი, გერმანიაშ იმპერია — ღ. 1 მანგი, 1983, ბჟაეიოლი ბერლინი, გდრ) — გერმანალი ჭარუ დო ნოველისტი.

ანა ზეგერსიქ დებადჷ ნოღა მაინცის, ურიეფიშ ფანიას. 1934 წანაშახ გერმანიას ცხოვრენდჷ. მუჭოთ გერმანიაშ კომუნისტური პარტიაშ მაკათურს, გერმანიაშ ნაცისტური თარობაწკჷმა პრობლემეფქ ქაშუ დო 1934 წანას ემიგრაციაშა, დიო ციურიხიშა დო უკულ პარიზიშა მიდართჷ. საფრანგეთიშ ოკუპაციაშ უკული, ზეგერსიქ მექსიკაშა მიდართჷ, სოდეთ ცხოვრენდჷ 1941-1947 წანეფს. პარიზიშ რინაშ ბორჯის ზეგერსიქ ჭარუ მუშ არძაშე უმოსო პოპულარული რომანი "მაშკვითა ჯვარი", სოდეთ ეჭარილი რე შკვითი პატიმარიშ ნტებაშ ამბეფი ნაცისტური ოკონცენტრაციე ბანაკიშე. რომანქ 1942 წანას გიშართჷ ააშს, ინგლისურო. წინგის დიდი პოპულარობა უღუდჷ. თიშ სიუჟეტის რე გერსხილი ამერიკული ფილმი, ნამუსჷთ თარი როლს სპენსერ ტრეისი არსულენს. ჸათე რომანიშ გეშა, ზეგერსიქ 1947 წანას მიპალუ გეორგ ბიუხნერიშ პრემია. 1947 წანას ზეგერსიქ მექსიკა ქიდიტუ დო გერმანიაშა დირთჷ. დიო ზეგერსი ბჟადალ ბერლინს ცხოვრენდჷ, 1950 წანას ოცხოვრებშა ბჟაეიოლ ბერლინშა გინილჷ. ჸათაქ ზეგერსიქ გდრ-შ სოციალისტურ პარტიაქ ქაკათჷ. 1950 წანას ზეგერსიქ გდრ-შ ხელუანობეფიშ აკადემია ქჷდარსხუ. გდრ-შ თარობაქ ზეგერსის გინოჩჷ ერუანული პრემია. რდჷ იენაშ უნივერსიტეტიშ საპატიო დოქტორი. ნომინირაფილი რდჷ ნობელიშ პრემიაშა. ზეგერსიქ ღურუ 1983 წანას, ბერლინს.

რესურსეფი ინტერნეტის

[რედაქტირაფა | წყუშ რედაქტირაფა]
ვიკიოწკარუეს? რე ხასჷლა თემაშენ:
გორილი რე "https://xmf.wikipedia.org/w/index.php?title=ანა_ზეგერსი&oldid=221622"-შე