დინორეშა გინულა

ანრი ვიქტორ რენო

ვიკიპედიაშე
ანრი ვიქტორ რენო
ფრანგ. Henri Victor Regnault
დაბადებაშ თარიღი:

21 კვირკვე, 1810

დაბადებაშ აბანი:

აახენი, საფრანგეთი

ღურაშ თარიღი:

ღურთუთა 19, 1878 (67 წანერი)

ღურაშ აბანი:

პარიზი, საფრანგეთი

მენოღალობა:

საფრანგეთიშ შილა საფრანგეთი

ომენცარე სფერო:

ქიმია, ფიზიკა

სამუშაშ აბანი :

გისენიშ უნივერსიტეტი
ლიონიშ უნივერსიტეტი
კოლეჯ დე ფრანსი

ალმა-მატერი:

პოლიტექნიკური სკოლა

ჯილდოეფი დო პრემიეფი:

საფრანგეთიშ მენცარობეფიშ აკადემიაშ მაკათური (1840)
რუმფორდიშ მენდალი (1848)
ლონდონიშ ომაფე ჯარალუაშ ურცხოალი მაკათური (1852)
მენცარობეფიშ ერუანული აკადემიაშ მაკათური (1865)
კოპლიშ მენდალი (1869)
მატეუჩიშ მენდალი (1875)

ანრი ვიქტორ რენო (ფრანგ. Henri Victor Regnault; დ. 21 კვირკვე, 1810, აახენი, საფრანგეთი — ღ. 19 ღურთუთა, 1878, პარიზი, საფრანგეთი) — ფრანგი ქიმიკოსი დო ფიზიკოსი.

ვიქტორ რენო გურაფულენდჷ პარიზიშ პოლიტექნიკურ სკოლას. გურაფაშ თებაშ უკულ მუშენდჷ გისენიშ უნივერსიტეტის იუსტუს ფონ ლიბიხიშ ხემანჯღვერობათ. უკულ იმუშუ ლიონიშ უნივერსიტეტის, ქიმიაშ პროფესორო. 1841 წანაშე რდჷ კოლეჯ დე ფრანსიშ ფიზიკაშ პროფესორი.

გიმირკვიუ აირეფიშ თერმული რჯებეფი. მიშეღჷ დიდი თია თერმომეტრეფიშ, ჰიგრომეტრეფიშ, ჰიპსოთერმომეტრეფიშ, კალორიმეტრეფიშ ახალი, გაუჯგუშებული ვერსიეფიშ გოვითარაფაშა. თაშნეშე, ვიქტორ რენოქ ზიმუ აირეფიშ თერმული გოფართინაფაშ კოეფიციენტეფი. აირეფიშ რკვიებაშ ბორჯის, დადგინჷ ნამდა აირეფი ართნერო ვეფართინუაფჷ მუჟამს დერჩხიალებუნანჷ.

ვიქტორ რენო, თაშნეშე რდჷ მოჸოროფე ფოტოგრაფი დო 1854 წანას დარსხუ საფრანგეთიშ ფოტოგრაფიაშ ჯარალუა.

1871 წანას ვიქტორ რენოს სქუაქ, ხანტუ ანრი რენოქ დუღურჷ საფრანგეთ-პრუსიაშ ლჷმას. ართი წანაშ უკულ ვიქტორ რენოქ მენცარობაშე მიდართჷ. ვიქტორ რენოქ ღურუ 1878 წანაშ 19 ღურთუთას, 67 წანერქ.

ანრი ვიქტორ რენო რდჷ შხვადოშხვა პრემიეფიშ ლაურეატი დო ომენცარე ორგანიზაციეფიშ მაკათური. თიში ჯოხონობაშ რე ართი კრატერი თუთას. ვიქტორ რენო ართ-ართი რე 72 მენცარიშე ნამუშ ჯოხოთ მიკოჭარილი რე ეიფელიშ ჸორშიშ ფასადის.

რესურსეფი ინტერნეტის[რედაქტირაფა | წყუშ რედაქტირაფა]