ანჩხაბერი

კინაშ ანჩხაბერი

ანჩხაბერი, ოთხილარი გიორთუმალარი, ოლჷმარი ანჩხაბერი დუდიშთხილუაშ შხვა მეშქაშალეფწკუმა ართო უჯვეშაში ბორჯიშე რე ჩინებული. ახაზირენდეს ჯაშე, ჭყერიაშ შვებიშე, ჭინუეფშე დო ტყებიშე. უჯვეშაში ლითონიშ ანჩხაბერი (ლინჯიშ, ორქოშ ქითოგორეს მესოპოტამიას (ჯვ.წ. III ვითოშწანურას). ბრონზეშ დო კინაშ ანჩხაბერს ხვარენდეს ჯვეში საბერძნეთის დო რომს, რუსეთის ანჩხაბერს (შიშაკი, შელომი) გიმირინუანდეს X-XVII ოშწანურეფს.

საქორთუოს გუმორინაფილი რდჷ შხვადოშხვა ნერი ანჩხაბერი (მარქვალიშნერი ანჩხაბერი, ჩაფხუტი, ჩაჩქანი, ჩაბალახი). ჰეროდოტეშ ჩინებათ, მოსხეფი, კოლხეფი, ტიბარენეფი, მაკრონეფი დო მოსინიკეფი ანჩხაბერს ჯაშე ახაზირენდეს. ქსენოფონტეშ ჩინებათ მოსინიკეფს ტყებიშ ანჩხაბერი გიორთუდეს. სტრაბონიშ გინოჩამათ, იბერიალეფი ტყებიშ ანჩხაბერით ლჷმენდეს. თრიალეთის ნაძირეფი რე ჯვ. წ. XIII ბრონზეშ ანჩხაბერი. მაართა მოსოფელიშ ლჷმაშ (1914-1918) ბორჯიშე ჭახიშ დო სანყურეშ ნოფურჩხოლეფშე დუდიშ ოთხილარო მიშეღეს ბულათიშ ანჩხაბერი. ავიაციას, ოტანკე დო მექანიზაფილი ურდუმეფს გეშკუმალაშე დუდიშ ოთხილარო გიმირინუანა ტყებიშ ანჩხაბერს.

გჷმორინაფილი ლიტერატურა

• ქსე, ტ. 7, ხს. 190, ქართი, 1984