არტურ ეშკინი

არტურ ეშკინი
Arthur Ashkin
არტურ ეშკინი 2018 წანას
დაბადებაშ თარიღი:	2 ეკენია, 1922
დაბადებაშ აბანი:	ბრუკლინი, ნიუ-იორკი, ააშ
ღურაშ თარიღი:	ეკენია 21, 2020 (98 წანერი)
ღურაშ აბანი:	რამსონი, ნიუ-ჯერსი
მენოღალობა:	ააშ
ომენცარე სფერო:	ფიზიკა
სამუშაშ აბანი :	ბელიშ ლაბორატორია Lucent Technologies
ალმა-მატერი:	კოლუმბიაშ უნივერსიტეტი კორნელიშ უნივერსიტეტი
ომენცარე ხემანჯღვერი:	უილიამ ვუდვორდი
ჯილდოეფი დო პრემიეფი:	ნობელიშ პრემია (2018)

არტურ ეშკინი (ინგლ. Arthur Ashkin; დ. 2 ეკენია, 1922, ბრუკლინი, ნიუ-იორკი — ღ. 21 ეკენია, 2020, რამსონი, ნიუ-ჯერსი) — ამერიკალი ფიზიკოსი, ნობელიშ პრემიაშ ლაურეატი ფიზიკას, ოპტიკური პინცეტიშ გჷმაგონებელი.

ბიოგრაფია

არტურ ეშკინქ დებადჷ 1922 წანაშ 2 ეკენიას, ბრუკლინს, ნიუ-იორკის, უკრაინალი ურიეფიშ ფანიას. გურაფულენდჷ კოლუმბიაშ უნივერსიტეტის დო კორნელიშ უნივერსიტეტის. კორნელიშ უნივერსიტეტის, უილიამ ვუდვორდიშ ხემანჯღვერობათ თხილუ ოდოქტორე დისერტაცია. გურაფაშ თებაშ უკულ მუშენდჷ ბელიშ ლაბორატორიას დო ამერიკულ კომპანიას Lucent Technologies-ის. 40 წანა იმუშუ ბელიშ ლაბორატორიას, გურაფულენდჷ ექსპერიმენტალურ ფიზიკაშ შხვადოშხვა დარგეფს, რდჷ 47 პატენტიშ ავტორი. 1984 წანას ერჩის ინჟინერიაშ ერუანულ აკადემიაშ დო 1996 წანას მენცარობაშ ერუანულ აკადემიაშ მაკათურო. არტურ ეშკინი ჩინებულ რე მუჭოთ ოპტიკური პინცეტიშ გჷმაგონებელი. 2018 წანაშ 2 გჷმათუთას გინოჩეს ნობელიშ პრემია ფიზიკაშ დარგის. პენსიაშა ულაშ უკულ ხოლო მუშენდ მუშ ჸუდეშ ლაბორატორიას. ღურჷ 2020 წანაშ 21 ეკენიას, რამსონს, ნიუ-ჯერსის.

რესურსეფი ინტერნეტის

• არტურ ეშკინი - ბიოგრაფია Archived 2019-01-05 ვებ-ხასჷლას Wayback Machine.
• Frontiers in Optics 2010. The Optical Society.
• National Academy of Engineering: Member listing
• National Academy of Sciences: Member listing
• Ashkin's Book on Atom Trapping
• ბიოგრაფიული ფაქტეფი