ასტრონომიაშ ომაფე ჯარალუა

ვიკიპედიაშე
ასტრონომიაშ ომაფე ჯარალუა, ბერლინგტონ-ჰაუსი, ლონდონი

ასტრონომიაშ ომაფე ჯარალუა (ინგლ. Royal Astronomical Society, RAS) რე აკადემიური ჯარალუა, ნამუქჷთ დირსხუ 1820 წანაშ 10 მელახის, ასტრონომიაშ, პლანეტოლოგიაშ, გეოფიზიკაშ დო მენცარობაშ შხვა, ხოლოშიანი დარგეფიშ ხეშეიონწყუალო. ჯარალუაქ დიო დირსხუ, მუჭოთ ლონდონიშ ასტრონომიულ ჯარალუაქ დო თიშ მაკათურეფი რდეს ხვალე კოჩი ასტრონომეფი. 1831 წანას ორგანიზაციაქ გინირთჷ ომაფე ჯარალუათ, უილიამ IV-შ ომაფე ქარტიაშ მეღებაშ უკული. 1915 წანაშე ჯარალუაშ მაკათურობაშ ნება ოსურ-მენცარეფს ხოლო ქიმეჩეს. ჯარალუაშ ცენტრალური ოფისი იდვალუაფჷ ბერლინგტონ-ჰაუსის, ლონდონს. ჯარალუას ჸუნს 4,000-შე უმოსი მაკათური. ასტრონომიაშ ომაფე ჯარალუა ირ თუთას დო ირ წანას ონწყუნს მენცარულ კონფერენციეფს ბრიტანეთიშ შხვადოშხვა ტერიტორიეფს. არძაშე უმოსი დიდი კონფერენცია რე National Astronomy Meeting. NAM ევროპაშ ართ-ართი უდიდაში ასტრონომიული კონფერენცია რე, ნამუთ იმანჯებჷ 1948 წანაშე. კონფერენციაშ ოფიციალური რეპორტი იბეჭდუ ჟურნალ The Observatory-ის.

პუბლიკაციეფი[რედაქტირაფა | წყუშ რედაქტირაფა]

ასტრონომიშ ომაფე ჯარალუა გიშმაშკვანდჷ დო გიშმაშკვანს შხვადოშხვა მენცარულ ჟურნალეფს:

ჯილდოეფი დო პრემიეფი[რედაქტირაფა | წყუშ რედაქტირაფა]

ასტრონომიაშ ომაფე ჯარალუა ასტრონომიაშ დარგის მოხანდე მენცარეფს გინმოჩანს შხვადოშხვა ჯილდოეფს. ჯარალუაშ თარი ჯილდო რე ორქოშ მენდალი, ნამუქჷთ დირსხუ 1824 წანას. ორქოშ მენდალიშ არძოშე უმოსო ჩინებული ლაურეატეფი რენა ალბერტ აინშტაინი (1926 წანას) დო სტივენ ჰოუკინგი (1985). შხვა ჯილდოეფი რე: ედინგტონიშ მენდალი, ჰერშელიშ მენდალი, ჩეპმენიშ მენდალი, პრაისიშ მენდალი, ჯორჯ დარვინიშ ლექციაშ პრემია (ასტრონომიას), ჰაროლდ ჯეფრისიშ ლექციაშ პრემია (გეოფიზიკას), ჯერალდ უიტროუშ ლექციაშ პრემია (კოსმოლოგიას).

პრეზიდენტეფი[რედაქტირაფა | წყუშ რედაქტირაფა]

ასტრონომიაშ ომაფე ჯარალუაშ მაართა პრეზიდენტი რდჷ უილიამ ჰერშელი. პრეზიდენტიშ პოსტი უკებუდეს შხვადოშხვა გიშარჩქინელ მენცარეფს. ფრენსის ბეილის დო ჯორჯ ბიდელ ეირის ჯარალუაშ პრეზიდენტიშ პოსტი უკებუდეს ოთხიშა. ასეიან პრეზიდენტი რე პლანეტოლოგი, ლესტერიშ უნივერსიტეტიშ პროფესორი, ემა ბანსი.

ქოძირით თაშნეშე[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]

ვიკიოწკარუეს? რე ხასჷლა თემაშენ: