ლონდონი
ლონდონი
London
|
ლონდონი (ინგლ. London) — კაბეტ ბრიტანეთიშ დო ოორუე ირლანდიაშ გოართოიანაფილ ომაფეშ ნანანოღა. იდვალუაფჷ წყარმალუ ტემზას, ობჟათე-ბჟაეიოლ ინგლისის. ნოღაშ მახორობა გვალო რე 7.385.575 ადამიერი, თაურეშე 2 700 000 ადამიერ დინოხოლე ლონდონს ოხორანს, აგლომერაციას — 10 645 800 (2005, 10 მანგი).
ნოღაშ ისტორია იჭყაფჷ რომაალეფიშით ლონდონიუმიშ დორსხუაფათ. ლონდონიშ ისტორიულ ცენტრ რე „სიტი“, მეხოლაფირო XIX ოშწანურაშე ლონდონს ორხველჷ სიტ დო გოხოლუაშ აკანეფი. 1965 1 პირელს დირსხჷ „კაბეტ ლონდონქ“. ნოღაქ სუმშა უმენძელჷ ზარხულიშ ოლიმპიურ ლაჸაფეფს.
ლონდონ რე კაბეტ ბრიტანეთიშ ფინანსური ცენტრ დო მოსოფელიშ ფინანსურ ცენტრეფშე ართ-ართი. ლონდონს ართ-ართ მაჸვენჯ აბან უკჷნებუ მოსოფელს მოდაშ ინდუსტრიას. ნოღას უღჷ ართ-ართ არძაშე უკაბეტაშ სატრანსპორტო სისტემა. ჰითროუშ აეროპორტ ართ-ართ უკანეტაშ რე მოსოფელს მოშარეეფიშ მუდანობათ. ლონდონს რე მოსოფელს არძაშე უმოს - 480 შხვაშთურ ბანკი.
ეტიმოლოგია
[რედაქტირაფა | წყუშ რედაქტირაფა]ლონდონიშ ზუსტ ეტიმოლოგია ვა რე ჩინებული. თენა უჯვეშაშ ჯოხო რე დო ისტორიულ წყუეფს მა-2 ოშწანურაშე იშინუაფუ. 121 ლონდინიუმი ჯოხო, მუთ რომაულ-ბრიტანულ აკნასვარა ოკო რდას. 1899 ლონდონ ხვალე ნოღას ჯოხოდჷ, უკულ თე ჯოხოქ მადჷ საგრაფოშე დო კაბეტ ლონდონშე.
ისტორიაშახიან ანტიკურ ბორჯი
[რედაქტირაფა | წყუშ რედაქტირაფა]ლონდონს უჯვეშაშ ბრითონულ ხორუეფ რდჷ აკოშაყარელი, მარა მაართა შხუ ხორუა იშენ რომაალეფიშ დჷნარსხუეფ რე ჩქ.წ. 43. ხორუაქ იჸუ ხვალე 17 წანას განწეობას. 61 თაქ იცენეფქ გამშაცჷის დო ირფელ დიხაწკჷმა გამანგეს. ნოღაშ უკულიან აკონწყუალაქ მოხვადჷ 100 წანას, მუჟანსჷთ კოლჩესტერქ ნოღა გეკჷდჷ დო მანწყჷ, მუჭოთ რომიშ ართ-ართ პროვინციაშ-ბრიტანიაშ ნანანოღა. ნოღაშ მახორობაქ მალას ქჷდიჭყუ ძინა დო მა-2 ოშწანურაშო 60,000 კოჩის მუკულუ.
შქა ოშწანურეფი
[რედაქტირაფა | წყუშ რედაქტირაფა]მა-5 ოშწანურას რომიშ იმპერიაშ დონთხაფაწკჷმა ართო ლონდონქ მალას გიჩოლჷ. მა-6 ოშწანურაშე ანგლო-საქსეფიშ ლუნდევიქიშ მახორობაქ 12,000-ს ქიმიოჭირინუ. მა-9 ოშწანურას ნოღას ვიკინგეფ იკჷნენა დო კჷნ რომაულ მახორობაშ ფარგანეფშა ორთინუანა.
 |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |