ატმოსფერული ნოლექეფი
ატმოსფერული ნოლექეფი — ატმოსფეროშე დიხაუჩაშ ჟინპიჯის თხჷთხჷ ვარდა ბერჯეკი სახეთ მოულირი წყარი. იზიმუ ფაშ სიფსქათ (მმ ვარდა სმ-ს), ნამუთ უდინაფუო (კილაჸოთამა, ეორქუა) იშაყარუ დიხაუჩაშ ჟინპიჯის ბორჯიშ გარკვიებულ ოშქაშეს (საათი, დღა-სერი, თუთა, წანა).
ატმოსფერული ნოლექეფი ჯინჯიერო მუნაფეფშე მოურს თხჷთხჷ (ჭვემა, ჩხაპალუა), ბერჯეკი (თირი, თირამი ხორში, თირამი კაკალეფი, ჸინამი კაკალეფი, ჸინამი ჭვემა, კირცხი) ვარდა აკოწყორილი (თუშქვეფი) სახეთ.
ატმოსფერული ნოლექეფიშ უშანულო ნორთი წჷმიქიმინუ დიხაუჩაშ ჟინპიჯის ვარდა თის არსებუან საგანეფს (ცუნდი, თილთილი, ჸინი, კაკალამ ჭიხი, კრისტალურ ჭიხი).
ატმოსფერული ნოლექეფი არძაშე დიდი მუდანობათ მოურს ინდოეთის (ჩერაპუნჯას, ოშქაშე წანურ მუდანობა 12700 მმ), არძაშე ნარკები ჩილეს, პერუს. საჰარას დო შხვა ტიოზი აკანეფს.
საქორთუოს არძაშე უმოსი ნოლექი მოურს უჩა ზუღაშ წყარ პიჯის, აჭარას, გვლა მტირალას (3500 მმ დო უმოსი). ნოლექეფიშ წიაკალი დოფიქსირაფილი რე საქორთუოშ ობჟათე-ბჟაეიოლუ ნორთის - ელდარიშ დობერას, მუშ ოსხირშა დორსხუაფილი რე გვერდო ტიოზიშ ლანდშაფტი.
რესურსეფი ინტერნეტის
[რედაქტირაფა | წყუშ რედაქტირაფა]- World precipitation map Archived 2009-11-02 ვებ-ხასჷლას Wayback Machine.
- Collision/Coalescence; The Bergeron Process
- Report local rainfall inside the United States at this site (CoCoRaHS)
- Report local rainfall related to tropical cyclones worldwide at this site
- Global Precipitation Climatology Center GPCC
- Types of rainfall (BBC)
ლიტერატურა
[რედაქტირაფა | წყუშ რედაქტირაფა]- ქორთული სხუნუეფიშ ენციკლოპედია, ტ. 1, ხს. 673, ქართი, 1975 წანა.