საჰარა

ვიკიპედიაშე
საჰარაშ ტიოზიშ ალმაშარული ფოტო
საჰარაშ დიუნეფი

საჰარა — მოსოფელიშ უკაბეტაში ქვიშამი ტიოზი, ფართობით 9 მლნ კმ².

საჰარა იდვალუაფჷ ოორუე აფრიკას. თიში ხანი დოხოლაფირო 2,5 მილიონი წანა რე. ჯოხო „საჰარა“ მოურს არაბულშე (صحراء‎) დო შანენს ტიოზის. თის აფრიკაშ ტერიტორიაშ დოხოლაფირო 1/4 უკებჷ, ანუ დახე ავსტრალიაშ მანგი ფართობი. საჰარაშ ხურგეფს ედომუშამო ვარ-და ნორთობურო იდვალუაფჷ 11 სახენწჷფო: მაროკო, ალჟირი, ტუნისი, ლიბია, ეგვიპტე, ბჟადალ საჰარა, მავრიტანია, მალი, ნიგერი, ჩადი, სუდანი. საჰარაშ უკაბეტაში ნორთი უწყარე დო შურუბუმუ რე, რახან თიშო დჷმახასიათაფალი რე ძალამი კონწარი დო უგურზებუ ორთაშობური პიჯალეფი: ზარხულს გჷშაგორილო მერეთი სინჩხე (ოროს ტემპერატურა +40-50 გრადუსის ოჭირინუანს); მერეთი სისქირუე (წანმოწანური ნოლექი დახე ირდიხას 100 მმ-შე მერკე რე, დო ნამუთინეგანს ჭვემა წანეფიშ განწეხანს ვა მურს); ჭყანიერი ხანგჷნძე ბორიეფი; ტემპერატურაშ დიდი დღა-სერული ძანძუა (ამპლიტუდეფი), მუჟამსჷთ დღაშით თაკარი რე, დო სერით ჸინუნს. გოტიოზაფაშ უმუჭყვიდუ პროცესიშ გეშა საჰარაშ ფართობი იძინანს. საჰარაშ რელიეფიშ დჷმახასიათაფალი ფორმეფი რე ბარხანი (თურქ.) დო დიუნა.

რესურსეფი ინტერნეტის[რედაქტირაფა | წყუშ რედაქტირაფა]