ახალი გვინეა

ვიკიპედიაშე
ახალი გვინეა

კოკი ახალი გვინეა
გეოგრაფია
ორენი მელანეზიაშ არქიპელაგი
კოორდინატეფი 5°20′ ობჟ. გ. 141°36′ ელ. გ. / 
ფართობი 786 000 კმ²
უმაღალაში კონკა 4884 მ
პუნჩაკ-ჯაია
ქიანა
დემოგრაფია
მახორობა ~ 9 500 000 (2010)
მეჭედალა 12 /კმ²
ეთნიკური ბუნეფი პაპუასეფი დო მელანეზიარეფი

ახალი გვინეა (ინდო. Pulau Irian, ინგლ. New Guinea, ტოკ-პისინიშ ნინაშა — Niugini) — მოსოფელიშ სიდიდათ მაჟირა კოკი (გრენლანდიაშ უკული), ნამუშ ფართობი აკმადგინანს 786 000 კმ²-ს. კოკი იდვალუაფუ რჩქალ ოკიანეშ ობჟათე-ბჯადალ ნორთის. გეოგრაფიულო თე ტერიტორია ორხველჷ მალაიშ არქიპელაგის[1] თე კოკი წჷმარინუანს აზიაშ დო ოკიანეთიშ გჷმართალს. ახალი გვინეა ორხველჷ ავსტრალიაშ კონტინენტის[2] ახალი გვინეა ავსტრალიაშე გიშართილი რე ტორესიშ საროტიშ მეშქაშობათ. თე ტერიტორია მირჩქინუაფუ მელანეზიაშ კოკეფიშ ბუნაშ ნორთო. მუთ ოხუ პოლიტიკურ თოლოზირუსჷნ, ახალი გვინეა ირთუ ჟირ ნორთო. ბჟადალი პაპუა მიშმურს ინდონეზიაშ აკოდგინალუაშა რანწკითი პროვინციაშ სახეთ. ბჟაეიოლ ნორთის იდვალუაფუ, სუვერენული სახენწჷფო პაპუა-ახალი გვინეა. კოკის დოხოლაფირო 9 500 000 ადამიერი (2010) ოხორანს, თე ტერიტორია ართ-ართი არძაშე მერჩხას დოხორელი აკანი რე (12 კაცი/კმ²).

ახალი გვინეა გეოლოგიური თოლწონუათ, ეშახე ტექტონიკურო აქტიურ ზონას. თაქ რე მიარე ვულკანი, თინეფს შქას სიმაღალეშ თოლწონუათ უმაღალაში რე პუნჩაკ-ჯაია, სიმაღალე — 4884 მ (16 023 ფტ). კოკი დიდარი რე ფლორაშ დო ფაუნაშ მიარეფერუამობათ, თაქ რე მიარე ენდემური ჯიშიშ ჩხოლარი დო ჩანარი.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]

  1. Wallace, Alfred Russell (1863). On the Physical Geography of the Malay Archipelago. კითხირიშ თარიღი: 30 November 2009.; Wallace, Alfred Russel (1869). The Malay Archipelago. London: Macmillan and Co, ხს. 2. 
  2. Allen, Jim (1988). „Pleistocene dates for the human occupation of New Ireland, northern Melanesia“. Nature 331 (6158): ხს. 707–709. DOI:10.1038/331707a0. 


wikistub ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.