ახალი წანა
 |
| ახალ წანა | |
|---|---|
 | |
| ნოჯიშ ჯა, გონწყილ რე მარწკინაია კორობა მასინთეეფით, ჭითა გურეფით დო ჩე ქარღადიშ ფუთქურეფით. | |
| ტიპი | საირქიანო ზეიმი |
| შანულობა | ახალ წანა - მინმალ წანა (მუმალი) |
| იშინუანა | ედომუშამ მოსოფელს |
| თარიღი | გრიგორიანულ კალენდარიშ მეჯინათ წანაშ მაართა დღა (1 ღურთუთა) |
| ზეიმობა | ფოიერვერკეფი, ფანიეფს შუმ-ჭკომი, ართუაფა |
| მერსხილი რე | ქირსე, ჯვეშით ახალ წანა |
ახალ წანა — ბორჯ ვარ-და დღა, მუჟანსჷთ იჭყაფუ კალენდარულ წანა დო კალენდარულ თარიღ იძინანს ართ ართულით. ანდა კულტურა ზეიმენს შხვადოშხვანერო.[1] დღახუ ანდა კულტურას აკანურო ეჭოფილ კალენდარიშ მეჯინათ, ნამუთ მუნმურს წანაშ ეკონია დღაშენო მუმალ წანაშ პირველ დღაშა გჷნულაშ შვანს. ასეშო არძაშე ფართოთ გჷმორინაფილ კალენდარულ სისტემათ, გრიგორიანულ კალენდარიშ მეჯინათ ახალ წანა მუნმურს პირველ ღურთუთას.
საინტერესო ფაქტეფი
[რედაქტირაფა | წყუშ რედაქტირაფა]- 1930–ამ წანეფს, ოფიციალურ სხუნუეფიშ იდეოლოგია ლჷმენდ ჯვეშ ტრადიციეფიშ მეხჷ დო შილებე, თენა ნოჯიშ ჯასჷთ ქოწაწაფუდუკონ. ათეშენ, ნამთინე ადამიერი, ნოჯიშ ჯაშ ოღალარო გიმირინუანდჷ კონტრაბასიშ ფუტლარს, თი არჷზით ნამჷ-და დუთხილუდუკო უბადო თოლშე ნოჯიშ ჯაშ მუშ ჸუდეშა მინოღალასჷნ[2].
- ოსათე ორტყაფუეფიშ მეჯინათ, ახალი წანაშ ეშანუა მაართაშე ირო იჭყაფჷ რჩქალ ოკიანეს, კირიბატიშ კოკეფს[3]. ეკონიეფი, ნამუეფჷთ ჯვეშ წანას აზარენან კჷნ რჩქალ ოკიანეს მადვალ კოკ მიდუეიშ მახორუეფ რენა[4].
- კანკალე ქიანა ახალ წანას თუთაშ კალენდარიშ მეჯინათ ეთმეშანენს.
- ჯვეშ რომს თე დღა ეძღვინებუდჷ იანუსის — გიშაგორუაშ, კარეფიშ დო ირ დაჭყაფურიშ ღორონთის. ღურთუთაქ ჯოხოდვალა წორას იანუსიშ პატიოცემელო მიღჷ, ნამუსჷთ გჷმოხანტუნდეს ჟირ სახეთ: ართ წჷმ იჯინედჷ, მაჟირა — უკახალე[5].
სქოლიო
[რედაქტირაფა | წყუშ რედაქტირაფა]- ↑ Anthony Aveni, "Happy New Year! But Why Now?" in The Book of the Year: A Brief History of Our Seasonal Holidays (Oxford: Oxford University Press, 2003), 11–28.
- ↑ http://www.tv100.ru/video/view/23052/ Archived 2011-02-01 ვებ-ხასჷლას Wayback Machine.
- ↑ Новый 2013 год наступил в России :: Общество :: Top.rbc.ru. დოარქივაფილი რე ორიგინალშე 2013-01-05-ს. კითხირიშ თარიღი: 2013-01-03.
- ↑ Вечерняя Москва - Жители островов в Тихом океане уже празднуют Новый год. დოარქივაფილი რე ორიგინალშე 2013-01-05-ს. კითხირიშ თარიღი: 2013-01-03.
- ↑ The World Book Encyclopedia. 1984. Т. 14. С. 237.
ვიკიოწკარუეს? რე ხასჷლა თემაშენ:
 |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |