აჰმედ კავაზიში
აჰმედ კავაზიში (დ. ურფა, თურქეთი; 1877 – ღ. სტამბოლი, თურქეთი; 1959), ოფიციალური თურქული ჯოხო აჰმედ თევფიკ იუჯესოი (Ahmed Tevfik Yücesoy) — ლაზი ოჯარალუ მოღალე, ოსმალეთიშ იმპერიაშ ოურდუმე მონინალე.
დებადჷ თურქეთიშ ნოღა ურფას, ლაზურ ფანიას, სოდეთ მუამუში სანჯაყიშ ხემანჯღვერო ხანდენდჷ თიმ ფარანს. ჯინჯი უღჷ ვიწეშ ნოღა აბუს. ოჯარალუ ოგურაფუშ თებაშ უკული უნჩაშ ლეიტენატიშ ჩინით ბალკანეთიშ ლჷმას ქაკათჷ. ოსმლეთიშ იმპერიაშ ფლოტიშ მინისტრის, აჰმედ ჯემალ ფაშას ოხოლჷდჷ, მუჭოთ ხემანწყუ. ლიმაშ უკული ჭიჭე ხანს ქონიაშ დო საფანჯაშ სკოლეფს ფრანგულ ნინას ოგურუანდჷ. ზეშ წანეფს დეცენტრალიზაციაშ იდეაშ მოხუჯექ ოხალიფე დო ოსულთანეშ ხურგეფს ზოხორინელი ლაზეთიშ იდეა გახონარჷ დო ოირქიანე ჯარალუას აქტიურო ფსუაგოფაჩილ ლაზეთიშ სომხეთშა, საბერძნეთშა დო ვარდა საქორთუოშა გინოჩამაშ თემაშ აწმარენჯო გეგჷშართჷ. ზოხორინელი ლაზეთიშ იდეაშ გჷმახონარაფალი ტრაქტატი 1918 წანას გეგჷშაშქუ. 1919 წანას ლაზური ნაციონალური ასოციაცია ქუდარსხუ დო თის ხემანჯღვერენდჷ. თურქეთიშ რესპუბლიკაშ დორსხუაფაწკჷმა ართო აჰმედ კავაზიშიშ პოლიტიკურ კარიერაქ გეთუ. მუშ ოდაბადეწკჷმა რსხუ დღას ვაუდინუაფუ. რდჷ თურქეთიშ მაართა ჭარდაკიშ ასოციაციაშ დჷმარსხუაფალი დო ხემანჯღვერი.
აჰმედ კავაზიშიქ 1959 წანაშ 8 მელახის, სტამბოლს დოღურჷ.