ბაზალეთიშ ტობა

ბაზალეთიშ ტობა
კოორდინატეფი:	42°02′15″ ო. გ. 44°40′42″ ბ. გ.
ორენი	დუშეთიშ მუნიციპალიტეტი
სიმაღალა ზუღაშ დონეშე	879 მ
ფართობი	1,22 კმ²
მოცულობა	4 კმ³
მაქსიმალური სიტომბა	7 მ

ბაზალეთიშ ტობა — ტობა დუშეთიშ მუნიციპალიტეტის, ნოღა დუშეთიშ ობჟათეშე 5 კმ-ს, ზუღაშ დონეშე 879 მეტრას. ჟიდოხიშ ფართობი რე 1,22 კმ², მაქსიმალური სიტომბა რე 7 მ, წყარიშ მოცულობა დოხოლაფათ — 4 მლნ. მ³. ტობაშ ქვაბულქ გიჭყჷ ბაზალეთიშ რზენიშ ობჟათე-ბჟადალ ნორთიშ გინოღირიკუაშ შედეგო.

ირდუ ატმოსფერული ნოლექეფით დო კუნტახანური ნადუეფით. მაქსიმალური დონე — მანგის, მინიმალური — გჷმათუთას. ღურთუთას დო ფურთუთას ტობა გინოფორილი რე ჸინით, ნამუშ სიფსქა ზოთონჯის 0,5 მ-შახ ოჭირინდუანს. კვირკვეს წყარიშ ტემპერატურა 25 °C-შახ რე. წყარი წვანე-რუმე ფერიშ რე. ტობაშ ობჟათე-ბჟაეიოლ, ობჟათე დო ბჟადალ ნორთის ირდუ ლელქაში დო შხვა წყარიშ ჩანარეფი; 5-6 მ სიტომბაშა დუმფარა. ბრელი რე პლანქტონი. ტობას ხე ჩხომეფი, ქაშაყი დო ნაფოტა;

მოშენებული რე ხრამული, წვერენდია დო კობრა. ტობა სპორტული დო ოხვარებელი ჩხომიშჭოფუაშ ობიექტი რე. ტობაშ ოორუე-ბჟადალ წყარპიჯიშე გოჸონაფილი რე ჭიჭე ოწყარალი არხი.

რესურსეფი ინტერნეტის

• ბაზალეთიშ ტურისტული კომპლექსი^{[ღურელი რსხილი]}

ლიტერატურა

აფხაზავა ი., ქორთული სხუნუეფიშ ენციკლოპედია, ტ. 2, ხასჷლა 142, ქართი, 1977 წანა.