ბახვისწყალი
| ბახვისწყალი | |
|---|---|
 ბახვისწყალი კუროტი ბახმაროშ ტერიტორიას | |
| დოხასიათაფა | |
| სიგჷრძა | 42 კმ |
| ღანჩოშ ფართობი | 156 კვ2 |
| წყარიშ ნადუ | |
| ოდუდე | მესხეთიშ ქჷნდჷრი (საქორთუო) |
| დვალაფა | გურიაშ აკანი |
| ინაკათუუ | სუფსა |
| ორენი | |
| |
| ქიანა |  საქორთუო
|
ბახვისწყალი — წყარმალუ გურიას, ოზურგეთიშ დო ჩოხატაურიშ მუნიციპალიტეტეფიშ ტერიტორიას, წყარმალუ სუფსაშ კვარჩხანი ნადუ. სიგირძა რე 42 კმ, ღანჩოშ ფართობი - 156 კმ2. ბახვისწყალს უღჷ 90-შე უმოსი ჭიჭე ნადუ. თე ნადუეფიშ ედომუშამი სიგირძა რე 127 კმ. ბახვისწყალი ეთმიჯუმაუაფუ ჭვემაშ, თირიშ დო დიხაშ თუდონი წყარეფით. ბახვისწყალს წყარალა უჩქჷ აფუნს (უდიდაში დონე დო ხარჯი უღუ მესის). წყარმორჩილობა თე წყარმალუს ახასიათენსჷ ზარხულიშ ბოლოს დო დამორჩილიშ დაჭყაფუს (უჭიჭაში დონე დო ხარჯი უღჷ მარაშინათუთას). ბახვისწყალიშ ოშქაშე ხარჯი წანაშ გოძვენას რე 6,18 მ3/წმ.
ბახვისწყალიშ ოდუდე რე მესხეთიშ ქჷნდჷრიშ ბიჟღეთ-ბჟადალი კართეს, ოგვალე დოხორელი პუნქტი ზოტიყელიშ გოხოლუას. თე წყარმალუ რე ზუღაშ დონეშე 2585 მ-ას დო ელმულუანს კურორტ ბახმაროს. ბახვისწყალიშ პიჯის რე ოფუტეეფი: უკანავა, ვანისქედი, მთისპირი, ოქროსქედი, მშვიდობაური, ფამფალეთი, ზედა ბახვი. ბახვისწყალი ოფუტე ნაგომარწკჷმა მიშმაკათუ წყარმალუ სუფსას. ბახვისწყალიშ ლეხერს დგჷ გურიას უჯვეშაში ასკანიშ ჯიხა.
საქორთუოშ ენერგეტიკაშ სამინისტროქ 2009 წანაშ მესის გაფორმუ მემორანდუმი კერძო კომპანიაწკჷმა, ნამუშ მეჯინათ ოფუტე უკანავას, ბახვისწყალს ოკო გიდგას ოთხ კასკადამ ჰიდროელექტროსადგურქ, ბახვი-III-ქ.[1]
ლიტერატურა[რედაქტირაფა | წყუშ რედაქტირაფა]
- აფხაზავა ი., ქორთული სხუნუეფიშ ენციკლოპედია, ტ. 2, ხასჷლა 254, ქართი., 1977 წანა.