ბერნარდე ნეაპოლარი

ბერნარდე ნეაპოლარი, XVII ოშწანურაშ იტალიარი კათოლიკე მისიონერი, ქორთული ოკათაშური არიკეფიშ დინმაჭარალი. საქორთუოს მაართათ 1661 წანას გჷმორთჷ ჭიჭე ხანით, რომიშ ეკლესიაშ დავალებათ. 1670—1680 წანეფს საქორთუოს ოხორანდჷ. ქიდიგურუ ქორთული ნინა დო მუსხირენი წიგნი ხოლო თარგმუ; კერძოთ, 1681 წანას რომს დიბეშტჷ მუშ ნათრგმა ქორთული კატეხიზმოქ. მ. თამარაშვილიშ მოწმუათ, ბერნარდე ნეაპოლელს ორხველჷ თაშნეშე ქორთულ ნინაშა აკნადგინა წიგნი "სხუნუა კათოლიკობაშ გეშა". ბერნარდე ნეაპოლელიშ არქივი იტალიას ტორე-დელგრეკოშ კაპუცინეფიშ მონასტერს იჩუალუაფუდ. ეშნაჭარეფი თე არქივშე დო თიში კუნტა ეჭარუა თხილერიე ქართის, კ. კეკელიძეშ ჯოხონობაშ ხენაჭარეფიშ ინსტიტუტის (H - 661). 1947 წანას თე ფონდის ქიმიოგორეს ბერნარდე ნეაპოლელიშით დინნაჭარა ჟირი ქორთული არიკის. 1964 წანას გჷმიბჟინუ იტალიას (ნეაპოლიშ ერუანული ბიბლიოთეკა) თხილერი ვითოჟირი ქორთული არიკიქ.

ლიტერატურა

• თამარაშვილი მ., ისტორია კათოლიკობისა ქართველთა შორის..., ტფ., 1902;
• ვირსალაძე ე., ქორთული სხუნუეფიშ ენციკლოპედია, ტ. 2, ხს. 329, ქთ., 1977 წანა.