ბეტმენი დო რობინი (ფილმი)

ვიკიპედიაშე
ბეტმენი დო რობინი
ფაილი:Batman & robin poster.jpg
რეჟისორი:

ჯოელ შუმახერი

პროდიუსერი:

პიტერ მაკგრეგორ-სკოტი

სცენარიშ ავტორი:

აკივა გოლდსმენი

თარ როლეფს:

არნოლდ შვარცენეგერი
ჯორჯ კლუნი
კრის ო'დონელი
უმა თურმანი
ალისია სილვერსტოუნი

კომპოზიტორი:

ელიოტ გოლდენთალი

მონტაჟი:

დენის ვირკლერი
მარკ სტივენსი

გჷშულაშ თარიღი:
  • მანგი 20, 1997 (1997-06-20)
ხანგჷნძარალა:

125 წნ

ქიანა

ააშ

ნინა:

ინგლისური

მუშნალი:

238,207,122 მლნ $

ბეტმენი დო რობინი (ინგლ. Batman & Robin) — რეჟისორ ჯოელ შუმახერი-შ 1997 წანაშ ფილმი. თინა დორსხუაფილი რე ბობ კეინიშ ქიმინელი ბეტმენიშ ისტორიეფს. ფილმიშ სცენარიშ ავტორი რე აკივა გოლდსმენი. თარი როლეფს ფილმის არსულენა: არნოლდ შვარცენეგერი (დოქტორ ვიქტორ ფრიზი / მისტერ ფრიზი), ჯორჯ კლუნი (ბრიუს უეინი / ბეტმენი), კრის ო'დონელი (დიკ გრეისონი / რობინი), უმა თურმანი (დოქტორ პამელა აილი / ჟღამამი სურუ) დო ალისია სილვერსტოუნი (ბარბარა უილსონი / ბეტგერლი).

ფილმიშ წარმებაქ დიჭყჷ წოხოლენი ფილმიშ, „ბეტმენი ირიათო-შ“ უკული. Warner Bros.-ის ფილმიშ 1997 წანაშ მანგის გიშაშქულა ულამუდჷ. შუმახერქ დო გოლდსმენქ მუმალი ფილმიშ სიუჟეტი აკიმუშეს ფილმის „ჸვილუაშ ბორჯი“ მუშობას. გინოღალეფქ დიჭყჷ 1996 წანაშ ეკენიას დო 1997 წანაშ ღურთუთას ითჷ, გინოღალეფიშ საბოლა თებაშ ვადაშა 2 მარათ ორდო.

ფილმი 1997 წანაშ 20 მანგის გიშართჷ დო გლახა ფასებეფი მიღჷ. გუმაჯინეეფს ვემეწონეს თიში ჭარჭულია, უმოსო ოძიცე ატმოსფერო დო თისი ჰომოსექსუალური თემატიკაშ ჸოფაშ უზური გუმოხანტეს. ფილმიქ წჷმორინელქ იჸუ ორქოშ მუჸის, მუდარე ნომინაციას, თინეფ შქას - წანაშ არძაშე გლახა ფილმიშ. ათეშ უკულ Warner Bros.-იქ მიოტუ „ტრიუმფანტი ბეტმენიშ“, გეჸვენჯი ფილმიშ წარმება. ბეტმენიშ გეშა ფილმეფიშ გინოღალაქ გეგინძორჷ 2005 წანას, კრისტოფერ ნოლანი-შ ფილმით „ბეტმენი: დაჭყაფური“. ფილმიშ მეტი, „ორქოშ მუჸიშ“ ნომინაცია დეინალჷ ბირაქ „The End Is the Beginning Is the End“, ბუნა The Smashing Pumpkins-იშ რსულებათ. ათე ბირაქ „გრემიშ“ 40-ა დოჯილდაფას საუჯგუშო მონკა-როკ რსულებაშო პრიზი მიღჷ.

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]