ბლეკ-რივერი (არკანზასი-მისური)
| ბლეკ-რივერი | |
|---|---|
წყარმალუ ბლეკ-რივერი
| |
| დოხასიათაფა | |
| სიგჷრძა | 480 კმ |
| ღანჩოშ ფართობი | 22,000 კმ² |
| წყარიშ ნადუ | |
| ოდუდე | ისტ-ფორკიშ, მიდლ-ფორკიშ დო უესტ-ფორკიშ აკოართაფაშ აბანი |
| ინაკათუ | უაიტ-რივერი |
| ქიანეფი | |
| ქიანა |  ააშ |
| შტატი |  მისური არკანზასი |
ბლეკ-რივერი (ინგლ. Black River) რე წყარმალუ ააშს, მისურიშ დო არკანზასიშ შტატეფს. ბლეკ-რივერი იჭყაფჷ შხვადოშხვა ოდუდეეფით:
- ისტ-ფორკ-ბლეკ-რივერი მისურიშ შტატიშ აირონიშ ოლქის იჭყაფჷ
- მიდლ-ფორკ-ბლეკ-რივერი იჭყაფჷ ჭიჭე წყარმალუეფიშ აკოართაფათ, მარკ-ტვენიშ ერუანულ ტყაშ ტერიტორიას, ოორუე რეინოლდსიშ ოლქის (მისურიშ შტატი)
- უესტ-ფორკ-ბლეკ-რივერი იჭყაფჷ ჭიჭე წყარმალუეფიშ აკოართაფათ მისურიშ შტატიშ ბჟადალ რეინოლდსიშ ოლქის, მარკ-ტვენიშ ერუანულ ტყას.
სუმხოლო ოდუდეეფიშ აკოართაფაშ აბან რე ლესტერვილიშ ხოლოს. ათავრეშე წყარმალუ ბლეკ-რივერი გიშმურს მისურიშ რეინოლდსიშ, უეინიშ დო ბატლერიშ ოლქეფს, წყარმალუ უკულ მიშმურს არკანზასიშ შტატიშა, სოდეთ გიშმურს შტატიშ კლეიშ, რანდოლფიშ, ლორენსიშ, ინდეფენდენსიშ, ჯეკსონიშ ოლქეფს დო ინაკათუ წყარმალუ უაიტ-რივერს, ნოღა ჯეკსონპორტიშ ტერიტორიას. ბლეკ-რივერიშ წყარპიჯის იდვალუაფჷ ნოღეფი: ვილიამსვილი, პოპლარ-ბლაფი (მისური), პოკაჰონტასი, ბლეკ-როკი, პოვჰატანი (არკანზასი).
ბლეკ-რივერიშ უდიდაშ ნადუეფ რე:
- ლიტლ-ბლეკ-რივერი
- კარენტ-რივერი
- სპრინგ-რივერი
- სთრობერი
- მეიბერი-ბრენჩი
ქოძირით თაშნეშე
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- წყარმალუ ბლეკ-რივერი Archived 2017-09-18 ვებ-ხასჷლას Wayback Machine.