ბჟალე (ლათ. Lactuca) — ჩანარეფიშ გვარი რთულპიოლამეფიშ ფანიაშე. ართ-, ჟირ- ვარ-და მიარეწანიანი ოდიარეეფი რე, ვანაფერო გვერდო ბართვეფი.
ბჟალეშ ბოტანიკური ილუსტრაცია Köhler’s Medizinal-Pflanzen-იშ წინგიშე, 1887
ჩანარიშ ოშშე უმოსი გვარობა გოფაჩილი რე ევრაზიას დო აფრიკას, მორჩილი მუდანობათ - ამერიკას. საქორთუოს 8 გვარობა ჩანს ტიოზიშ დო გვერდო ტიოზიშ ფორმაციეფს, წყითე დიხას, ტყაპიჯეფს, ბართვონეფს, სქირე ფერდიეფს, ნათასეფს მუჭოთ ჟვერი ჩანარი.
ჩანარიშ კანკალე გვარობა ბჟაწვენს იკათუანს, ნამუთ ჰეერიშ მოხვალამათ იმანგარებჷ. შანულამი ორტვინული ჩანარი რე სალათა.
