გაბრიელ თარანგელოზი

გაბრიელ თარანგელოზი
გაბრიელ თარანგელოზი, ბიზანტიური ხატი
სქესი	უხორცე შური, შხირას გჷმიხანტუ ახალნორდიშ ვარ-და ქომოლკოჩიშ სახეთ
ჯოხოშ შანულობა	„ღორონთი — ნძალა ჩქიმი“
ჯოხო შხვა ნინაშა	ურიულ. גַּבְרִיאֵל ჯვ.-ბერძენ. Ἀρχάγγελος Γαβριήλ; ჯიბრილი (ჯაბრაილი; ისლამი)
მიშინუაფუ	დან.8:16, დან.9:20-27, ლუკ.1:13-17 დო ლუკ.1:28-33)
შინუაშ დღა	26 მელახი 8 პირელი
ატრიბუტეფი	გჷმიხანტუ გოპირელ სამოთხეშ ჸათ ვარ-და ლილიათ; თანეშე ხეს სფეროშ ფორმაშ სარკეთ; თაშნეშე ოსანთელეს სანთელით.

გაბრიელი (ურიულ. גַּבְרִיאֵל, გავრიელ; ლათ. Gabrielus, არაბ. جبريل‎‎ ღაბრილ, ჯიბრილ) — მაღალი რანგიშ ანგელოზი შხვადოშხვა რელიგიას. გაბრიელი ღორონთიშ მაწონეთ მუკმურჩქინდუ ადამიერეფს. გაბრიელი პირველო დანიელიშ წინგის ნაშინებჷ ჯვეშ აპიანს. თიში ჯოხო, შილებე, შანენდას „ღორონთიშ კოჩის“ ვარ-და „ღორონთიშ გერგეზის“. ანგელოზ გაბრიელშა კანკალეშა „ღორონთიშ კვარჩხან ხე“ უჯოხონა.

იუდაიზმის გაბრიელი თარანგელოზი რე, ნამუთ ღორონთიშ მაწონი რე. კანკალეშა თის ღურაშ ანგელოზოთ მირჩქინანა, დაჩხირიშ დო მეხიშ ღორონთო. უმეტენტაშო თინა ღორონთიშ თარი მაწონი რე დო ტრადიციული, აკა ანგელოზი რე, ნამუსჷთ სირიულო დო ქალდეურო შეულებუ რაგადი. გაბრიელს შხირას ჩილათერო უგურუანა მიქაელს, ნამუთ ბორზალით ხეთ თხილანს ედემიშ ბაღის (მოგვიანაფათ — სამოთხეს) დო ადამშე, ევაშე დო თინეფიშ გამნარყშე.

ისლამს გაბრიელი იკოროცხჷ ოთხი თარანგელოზიშე უნჩაშო. გაბრიელშა მართალიშ გჷმაცხადაფალი უჯოხონა.

გაბრიელი თაშნეშე ნაშინებუ რე ბაჰაიზმის, კერზოთ, ბაჰაულაშ მეტაფიზიკურ ნახანდეფს „შკვითი ლეხერი“ დო „ოთხი ლეხერი“.