ღორონთი

ვიკიპედია-შე
Jump to navigation Jump to search
მონოთეისტურ კულტურეფიშ ღორონთი
თარი გაგებეფი

ქირსიანობა      იუდაიზმი      ისლამი

პორტალი:რელიგია
    

ღორონთი - ჸოროფაშ, რწუმაშ დო პატიშჩამაშ ჟინორთაშური ,,ირი სქჷლედეფიშ მაშურდგუმალაფარი“, ნამუთ დჷმახასიათაფალი რე არძო რელიგიაშო, მაართათჸოფირაფილი რელიგიაშ ორდოშიანი ფორმეფიშ გალე. თინა რე ჟინიფს შქას უჟინუაში, უჟინუაში ჯოხო, ჸოროფაშ დო რწუმაშ გჷმნახანტა. მონოთეისტურ აბრაამიშულ რელიგიეფს ღორონთი ისხუნუაფუ მუჭოთ პიჯი, პერსონიფიცირაფილი აბსოლუტი, მუჭოთ უჩინებუ (უსმებუ) ტრანსცენდენტული პიჯული ღორონთი („აბრაამიშ, ისააკიშ დო იაკობიშ ღორონთი“) დო მუჭოთ უმაღალაში რეალობაშ გჷმოხანტუალა, თეწკჷმა ართო მუჭოთ ართიანი დო აკა ღორონთი, ნამუსჷთ მუშ მოგვენი ვაჸუნსჷნ. მოსოფელიშ პოლითეისტურ (მიარეღორონთული) რელიგიეფს ღორონთეფი გჷთმაჭყანა დო დუთმანწჷნა ოქიანუს, ნიფთეფს, სქჷლედეფს დო პიჯფეს, მითმეჩანს თინეფიშ ჸოფას, ზჷმას, შანულობას დო კანონს, დო უკული ღორონთეფიშ პანთეონშე გიშმართჷნს ართ თარი ღორონთის (მონოლატრია).