გაგაჩამეფი

ვიკიპედიაშე
გაგაჩამეფი
თინუსი (Thunnus thynnus)
თინუსი (Thunnus thynnus)
მენცარული კლასიფიკაცია
ომაფე: ჩხოლარეფი
ტიპი: ქორდიანეფი
გიმენტიპი: გაგაჩამეფი
ლათინური ჯოხო
Vertebrata
თხილუაშ სტატუსი

გაგაჩამეფი, ხოკოამეფი (ლათ. Vertebrata ან Craniota) — ჩხოლარეფიშ გიმენტიპი ქორდიანეფიშ ტიპშე. გაგაჩამეფიშ მუჭოთ რსხულიშ აკოგაფა, თეშ ფიზიოლოგიური ქიმინჯალა გოვითარაფაშ მაღალ დონეს რე. რსხული ფორილი აფჷნა ტყებით, ნამუთ უშქაშე კონტაქტის რე ელმოლიშ ფაქტორწკჷმა, ოკათჷ აირეფიშ თირუას, ორგანოეფშე ნობთიარობეფიშ დორცუაფაშ პროდუქტეფიშ გიმოღალას. ტყებიშ წმნაქიმინეფი რე ქერცა, ბურდღა, თუმა (დო თიში სახეშვაობეფი), ჯღვალეფი, ჩორქოეფი, ბირჩხეფი, ქალეფი დო შხვა. ტყების მიარე ცქირცქის გიშმაღალარი, სპეციფიკური თებოშ, უფუშ დო შხვა ჯარკვალი რე. ტყების თარ ნორთის აკმადგინანს ეპიდერმისიშ გიმე მედვალუ კორიუმი. კუთოვანი სისტემა ბერდეხი დო დიფერენცირაფილი რე.

გაგაჩამეფს უღჷნა სუმი ტიპიშ ჩონჩხი: მიმარსხუაფალრშვილამი, ხინტკამი დო ძვალამი. ჩონჩხი აკმოდირთუ გაგაჩიშ, დუდიშ ხოკოშ, განთხეფიშ ორტყაფუეფიშ დო დუდიშული განთხეფიშ ჩონჩხშე. გიშართილი რე გაგაჩიშ გიმნართეფი: კინჩხიშ, კიდირიშ, წყარიშ, გავაშ დო კუდელიშ. კანკალეს თე თუ თი გიმნართი ვაუღუ. არყილეფიშ მუჭოთ აკოგაფა, თეშ მუდანობა გინორთელი რე კლასეფიშ მეჯინათ. დუდიშ ხოკო აკმოდირთუ ტვინიშ ხოკოშ დო სახეშ ხოკოშე.

ლიტერატურა[რედაქტირაფა | წყუშ რედაქტირაფა]

  • ჯანაშვილი ა., ქსე, ტ. 11, გვ. 472, თბ., 1987