გაგრაშ ქჷნდჷრი

გაგრაშ ქჷნდჷრი — ქჷნდჷრი აფხაზეთიშ კავკაციონს. თარ წყარგჷმართუ ქჷნდჷრშე გჷშმერთუ წყარმალუეფიშ მზიმთაშ დო ლაშიფსაშ ოდუდეეფწკჷმა. სიგინძა რე 54 კილომეტრი, უმაღალაში აბანი რე კონკა აგეფსთა (3257 მ) (გვალა აგეფსთა). ქჷნდჷრიშ ჸას ნოღა გაგრაშ ელ-მოლეფს მეჭედას ეხოლებუ უჩა ზუღას. ქჷნდჷრიშ ობჟათე მუნაკვათა, ეგაფილი რე ჟიდონცარცული კირქუალეფით დო ქვიშაქუალეფით, ნამუეფსჷთ კვათჷნა წყარმალუეფი ჟვავა-კვარა, იუფშარა დო შხვეფი დო ქიმინჷნა კანიონიშობურ ლეხერეფს. შქა ნორთი — ლუზიტან-ტიტონური რიფული, ბრექჩიული დო ფალური კირქუალეფით, ოორუე ნორთი - ბაიოსური პორფირიტეფით დო ტუფეფით. გაგრაშ ქჷნდჷრს მაოთხური აკოჸინალუაშ შანეფი რე. ოორუე-ბჟაეიოლ მუნაკვათას რე ალმახანური ჯიშთეფი ხოლო. დახე ირდიხას ამხვადუნა რელიეფიშ რელიეფიშ კარსტული ფორმეფი, ნამუეფით გჷშაკერძაფილო დიდარი რე გაგრაშ ქჷნდჷრიშ ბჟადალი ნორთი - არაბიკაშ მასივი, სოდეთ რე ჸოფილ სსრრ-იშ ტერიტორიას არძაშე ტომბა გარამეფი (ვახუშტი ბაგრატიონიშ, კრუბერიშ დო შხვა). გაგრაშ ქჷნდჷრიშ კუნწულიშ ზონა ქარაფამი რე დო ძალიერო დოსვარილი. გაგრაშ ქჷნდჷრი ფორილი რე ფართოფურცელამი დო ლირსამი ტყალეფით, ჟიმლენი ალპური დო სუბალპური დოლოეფით. ბზიფიშ, იუფშარაშ დო გეგაშ ლეხერეფით ოავტომობილე შარა მეურს რიწაშ ტობა ჸურე.

ლიტერატურა

• ნემანიშვილი ს., ქორთული სხუნუეფიშ ენციკლოპედია, ტ. 2, ხს. 614, ქართი, 1977 წანა.