გაი რიჩი

გაი რიჩი
Guy Ritchie
გაი რიჩი, 2012
ჯოხო დაბადებაშვანს	გაი სტიუარტ რიჩი
ბიოგრაფიული ჩინებეფი
დაბადებაშ თარიღი	10 ეკენია, 1968 (1968-09-10)
ერუანობა	ინგლისელი
ალმასქუ	მადონა (2000-08) (დეთხის)

გაი რიჩი დო მადონა, 2005 წქნა

გაი სტიუარტ რიჩი (ინგლ. Guy Stuart Ritchie; დ. 10 ეკენია, 1968) — ინგლისარი სცენარისტი, რეჟისორი დო პროდიუსერი. გინოღალირი აფჷ ფილმეფი „დიდი ფსონი“, „რევოლვერი“, „შერლოკ ჰოლმზი“ დო შხვა.

ბიოგრაფია

გაი სტიუარტ რიჩიქ 1968 წანაშ 10 ეკენიას, ჰარტფორდშირიშ ოგრაფეს ნოღა ჰატფილდის დებადჷ. ბაღანობას დისლექსიათ რდჷ დალახებური. 15 წანაშ ხანს სკოლაშე ნარკოტიკეფიშ მოხვარებაშ გეშა გიშაჸოთეს. უკული, გაი რიჩიქ თოლჸუჯი კინოშა გინიღჷ დო 1995 წანას მუში მაართა კუნტამეტრაჟამი ფილმი, — „The Hard Case“, — გინიღჷ.

1998 წანეფს დადებითი ფასებაქ ხვადჷ თიათ გაი რიჩის მაართა სრულმეტრაჟიან ფილმის „კარტი, ფარა დო ჟირი სვირი“. 2000 წანას გინიღჷ ხოლო ართი წჷმოძინელი ფილმი, — „დიდი ფსონი“, — ნამუსჷთ ჩინებული ჰოლივუდელი არტისტეფი, ბრედ პიტი, ბენისიო დელ ტორო დო დენის ფარინა, ოკათჷდეს.

2000 წანას გაი რიჩიქ ამერიკელ მაბირეწკჷმა, მადონასწკჷმა, დეგურგინჷ. თინეფს ბოშ როკო ჯონ რიჩიქ (დ. 2000) მაძინეს დო დევიდ ბანდა რიჩი ეჭოფეს (დ. 2005). გაი რიჩი დო მადონაქ 2008 წანას დეთხის. 2011 წანას რეჟისორს მოდელ ჯეკი ეინსლიშე ხოლო ართი ბოშიქ — რაფაელ რიჩიქ მაძინჷ.

ფილმოგრაფია

სრულმეტრაჟიანი ფილმეფი

წანა	ფილმი	პოზიცია
1998	კარტი, ფარა დო ჟირი სვირი	რეჟისორი		სცენარისტი
2000	დიდი ფსონი	რეჟისორი		სცენარისტი
2002	ღალირეფი	რეჟისორი		სცენარისტი
2005	რევოლვერი	რეჟისორი		სცენარისტი
2008	როკ-ენ-როლერი	რეჟისორი	პროდიუსერი	სცენარისტი
2009	შერლოკ ჰოლმზი	რეჟისორი
2011	შერლოკ ჰოლმზი: ოროეფიშ ლაჸაფი	რეჟისორი
2015	კოჩი U.N.C.L.E.-შე	რეჟისორი

კუნტამეტრაჟიანი ფილმეფი

წანა	ფილმი	პოზიცია
1995	The Hard Case	რეჟისორი	სცენარისტი
2001	The Hire: Star	რეჟისორი
2007	Suspect	რეჟისორი

რესურსეფი ინტერნეტის

• შეგილებუნა ქოძირათ მედიაფაილეფი თემაშე „გაი რიჩი“ ვიკიოწკარუეს.
• გაი რიჩი — კინოფილმეფიშ ინტერნეტ მუნაჩემეფიშ ბაზას (ინგლისური) .
• ბიოგრაფია. biography.com.