გერმანიაშ კონფედერაცია

გერმანიაშ კონფედერაცია, თაშნეშე გერმანიაშ რსხუ (გერმ. Deutscher Bund) — 39 გერმანული სუვრენული სახენწჷფოშ გოართოიანაფა, ნამუქჷთ დირსხუ ვენაშ კონგრესით 1815 წანას დო არსებენდჷ 1866 წანაშახ. გერმანიაშ კონფედერაცია წიმინდე რომიშ იმპერიაშ მონძე სახენწჷფო რდჷ.

გერმანიაშ კონფედერაციაშ თარი პოლიტიკური ორგანო რდჷ ბუნდესტაგი, ნამუშ მაკათურეფი რდეს კონფედერაციაშა მიშმალი სახენწჷფოეფიშ წჷმმარინაფალეფი.

1848-1849 წანეფიშ რევოლუციაშ ბორჯის, რდჷ ცადეფი, კონფედერაციაშ ტრანსფორმაციაშ ფედერალური სახენწჷფოთ, ნამუსჷთ აღვენუდჷ ლიბერალური კონსტიტუცია (პაულსკირხეშ კონსტიტუცია). 1848 წანაშ 12 კვირკვეს აკოცუ კონფედერაციაქ, მარა რევულუციაშ მარცხებაშ უკული, თიქ კინე ქიდირსხუ 1850 წანას.

1866 წანაშ ავსტრო-პრუსო-იტალიური ლჷმას გემორძგუ პრუსიაშ ომაფექ. შედეგო აკოცუ კონფედერაციაქ დო პრუსიაშ ლიდერობათ დირსხუ ოორუე გერმანიაშ კონფედერაციაქ, ნამუსჷთ ქაკათჷ ბრელი გერმანული სახენწჷფოქ. ოორუე გერმანიაშ კონფედერაციას 1871 წანას ჯოხოდვალაქ დათირჷ დო თის ოფიციალურო ქიგიადჷ გერმანიაშ იმპერიაქ. 1870 წანაშ საფრანგეთ-პრუსიაშ ლჷმაშ უკულ, გოართოიანაფილი გერმანული სახენწჷფოშ იმპერატორო (კაიზერი) გჷმოცხადებულქ იჸუ პრუსიაშ მაფაქ.

ქოძირით თაშნეშე[რედაქტირაფა | წყუშ რედაქტირაფა]

ლიტერატურა[რედაქტირაფა | წყუშ რედაქტირაფა]

Blackbourn, David (1998). The Long Nineteenth Century: A History of Germany, 1780–1918.
Brose, Eric Dorn (1997). German History, 1789–1871: From the Holy Roman Empire to the Bismarckian Reich.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.