დინორეშა გინულა

გიორგი მამარდაშვილი

ვიკიპედიაშე
კუჩხბურთი
კუჩხბურთი
გიორგი მამარდაშვილი
დორხველი მუნაჩემეფი
დაბ. თარიღი 29 ეკენია, 2000 (2000-09-29) (23 წანერი)
დაბ. აბანი ქართი, საქორთუო
სიმაღალა 199 სმ.
წონა 70 კგ.
პოზიცია მეკარე
ერუან. ნაკორობა საქორთუოშ შილა საქორთუო (1)
ინფორმაცია კლუბიშ გეშა
კლუბი ვალენსია
ნომერი 25
კარიერა
კლუბეფი 2018-ასეშა

გიორგი მამარდაშვილი (დ. 29 ეკენია, 2000, ქართი, საქორთუო) — ქორთუ მობურთე. საქორთუოშ ერუანული ნაკორობაშ დო „ვალენსიაშ“ მეკარე. 2020 წანას დეინალჷ ერუანული ლიგაშ საუჯგუშო მეკარეშ წოდება.[1]

საკლუბო კარიერა[რედაქტირაფა | წყუშ რედაქტირაფა]

ორდოიანი კარიერა[რედაქტირაფა | წყუშ რედაქტირაფა]

ოკუჩხბურთე კარიერა დიჭყჷ ოკუჩხბურთე კლუბ „გაგრაშ“ მორდუეფიშ ბუნას.[2] 2012 წანას გეგნორთჷ ქართიშ „დინამოშა“, სოდე შხვადოშხვა ხანიშ ახალნორდულ ბუნეფს ლაჸაფენდჷ. 2018 წანაშ სეზონს, თარი ნაკორობაშ გუნაცხადისჷთ ქუმოხვადჷ, მარა ქიანაშ პირველობაშ ფარგანეფს მანჯებულ შეხვალამეფს ნაკორობაშ თარი აკოდგინალუას ვაულაჸაფინუ.

„რუსთავი“[რედაქტირაფა | წყუშ რედაქტირაფა]

2019 წანას, „რუსთავშა“ იჯარათ გეგნორთჷ. თიში დებიუტიქ იმანჷ კლუბის 2019 წანაშ 2 მელახის ქართიშ „ლოკომოტივწკჷმა“ მატჩის. შეხვალამაქ ქართალეფიშ გომორძგუათ 4–1 გეთჷ.[3] გეჸვენჯი მატჩის, 2019 წანაშ 6 მელახის, ნამუსჷთ „ვიტ ჯორჯიაშ“ სააწმარენჯოთ ილაჸაფუნ, კარი უგოლეთ დოთხილუ დო შეხვალამაქჷთ უგოლე ფრეთ 0–0 გეთჷ.[4] სეზონიშ დაჭყაფუშე მუში კლუბიშ თარი მეკარეშ ამპლუას ქუდოსქიდჷ დო 30 მატჩიშე 9 შეხვალამას ბურთი ვაგუტებჷ. საიჯარო ხეკულუაშ თებაშ უკული კლუბი ქჷდიტუ.

ქართიშ „ლოკომოტივი“[რედაქტირაფა | წყუშ რედაქტირაფა]

2020 წანაშ დაჭყაფუს, იჯარათ ქართიშ „ლოკომოტივს“ გაგჷნძორუ ლაჸაფი. სეზონი მოლათირეეფიშ სკამით დიჭყჷ. თიში დებიუტიქ კლუბის იმანჯჷ 2020 წანაშ 9 კვირკვეს ბათუმიშ „დინამოწკჷმა“ მატჩის. შეხალამაქ ბათუმარეფიშ გომორძგუათ 4–1 გეთჷ.[5] „ლოკომოტივიშ“ აკოდგინალუას პირველი „სქირე“ მატჩი 2020 წანაშ 18 კვირკვეს, „საბურთალოშ“ სააწმარენჯოთ ილაჸაფუ — შეხვალამაქ უგოლე ფრეთ 0–0 გეთჷ.[6] ხეთეშე კლუბის თარი მეკარეშ აბანი ქიდეკინჷ. თიმ წანასს კლუბწკჷმაართო უეფა-შ ევროპა ლიგაშ მასუმა საკვალიფიკაციე რაუნდის ქემიოჭირინჷ, მუჟანსჷთ ქართალეფქ პირველ ჟირ ტურს რუმინული „უნივერსიტატეას“ დო მოსკოვიშ „დინამოს“ გიორჯგინესჷნ, დო მასუმა ტურს ესპანურ „გრანადაწკჷმა“ დემარცხეს. ესპანურ კლუბწკჷმა მარცხებაშ უმკუჯინალო, ქორთუ მეკარექ ესპანალი სკაუტეფიშ თოჸუჯი მუში გიშნაგორა ლაჸაფით იშენით ქიგიჯინჷ.[7] 2020 წანაშ ქირსეთუთაშ დალიას, მამარდაშვილქ საქორთუოშ კუჩხბურთიშ ფედერაციაშე წანაშ საუჯგუშო მეკარეშ ჯილდო მიღჷ.[8] 2021 წანაშ ღურთუთას — უეფაქ მობურთე 50 არძაშე პერსპექტიული მობურთეეფიშ ერკებულშა გენშიჸიონჷ.[9] 2021 წანაშ დაჭყაფუს — კინ ქართიშ კლუბის გიშულა გაგჷნძორუ.

„ვალენსია“[რედაქტირაფა | წყუშ რედაქტირაფა]

2021 წანაშ 7 მანგის, ართწანიანი იჯარათ დო გეჸვენჯი გიშაჸიდირიშ შილებუანობათ, პირველაშე გოტებულქ იჸუ „ვალენსიაშ“ სარეზერვო ბუნაშა, ნარდიშუაშ ღანკით.[10][11] წიმისეზონური ნარდიშუას მამარდაშვილქ ესპანური კლუბიშ მაწვართალშა, ხოსე ბორდალასშა, საუჯგუშო ინნახანტა იღვენჷ, ნამუშ უკულჷთ ქორთუ მობურთე თიქ ხეთეშე თარი ნაკორობაშ თარი მეკარეთ ქჷდარინუ.[12] თიში ესპანური დებიუტიქ იმანჯჷ 2021 წანაშ 13 მარაშინათუთას, ლა ლიგაშ პირველი ტურიშ შსეხვალამას, „ხეტაფეშ“ სააწმარენჯო მატჩის. მატჩიქ „ვალენსიაშ“ გომორძგუათ, ანგარიშით 1–0 გეთჷ.[13]

ნაკორობული კარიერა[რედაქტირაფა | წყუშ რედაქტირაფა]

2016 წანაშ 3 გჷმათუთას, ართი მატჩი ილაჸაფუ საქორთუოშ 17-წანაშახ მობურთეეფიშ ნაკორობაშ რანწკეფს შვედი მუში მახანეფიშ სააწმარენჯოთ.[14]

საქორთუოშ 21-წანაშახ მობურთეეფიშ ნაკორობაშ აკოდგინალუას ოკათუდჷ 2023 წანაშ 21-წშანაშახ მობურთეეფიშ ევროპაშ ჩემპიონატის, ნამუსჷთ საქორთუო წორომენძელენდჷ.[15]

მუთ ოჭაჭჷ საქართველოშ ერუანული ნაკორობას, თიში დებიუტიქ ერუანულ ბუნას 2021 წანაშ 8 სეკენიას, ბულგარეთიშ ერუანული ნაკორობაშ სააწმარენჯოთ მანჯებულჷ მაჸალურ შეხვალამაქ იმანჯჷ.

გეჸვენჯი 2022 წანას, ხუთ ნაკრობულ შეხვალამას ოკათუდჷ. თინეფშე ხვალე ჟირი რდჷ მაჸალური — ალბანეთიშ დო მაროკოშ ნაკორობეფწკჷმა, დოსქილადირი მატჩეფს ქიანაშ ნაკორობაშ ჭარაფაქ ოთხილარქჷ აჸუ უეფაშ ერეფიშ ლიგას.

2023 წანას ბრუოშა ილაჸაფჷ საქორთუოშ ერუანული ნაკორობას დო ბრუოშა ევროპაშ ჩემპიონატიშ ჰიშაგორუ ციკლიშ მატჩეფს.

2024 წანაშ 26 მელახის, ევრო 2024-იშ საკვალიფიკაციე ეტაპიშ პლეი-ოფიშ ფინალშა, საქორთუოქ საბერძნეთის მუგჷ დო ისტორიას პირველაშე ევროპაშ ჩემპიონატიშ ფინალურ ეტაპშა გიშულაშ ნება მიპალჷ. მატჩიშ თრი დო გეძინელი ბორჯი უგოლეთ, 0–0 გეთჷ. მატჩიშ გეჸვენჯი პენალტეფიშ სერიას, საქორთუოშ ნაკორობაქ აწმარენჯი 4–2 დამარცხჷ. გიორგი მამარდაშვილქ ბერძენეფიშ ბუნაშ კაპიტანიშ, ანასტასიოს ბაკასეტასიშით გეშქუმალირი პირველი პენალტი გეჭოფჷ, ნამუქჷთ უშანულამაში როლი ილაჸაფუ ქორთუ მობურთეეფიშ საბოლა წჷმოძინას.[16][17][კომ. 1]

საკლუბო სტატისტიკა[რედაქტირაფა | წყუშ რედაქტირაფა]

მოახალებაშ თარიღი: 27 მაისი, 2024[18]
მატჩეფი დო გოლეფი კლუბიშ, სეზონიშ დო ტურნირიშ მეჯინათ
კლუბი სეზონი ლიგა ერუანული თასი კონტინენტური შხვა გვალო
დივიზიონი მატჩი გოლი მატჩი გოლი მატჩი გოლი მატჩი გოლი მატჩი გოლი
დინამო ქართი 2018 საქორთუოშ შილა
ერუანული
ლიგა 		0 0 0 0 — — 0 0
→  რუსთავი 2019 28 0 2 0 — 2[lower-alpha 1] 0 32 0
→ 
ლოკომოტივი
ქართი 		2020 11 0 1 0 — — 12 0
2021 18 0 2 0 3[lower-alpha 2] 0 — 23 0
გვალო 29 0 3 0 3 0 0 0 35 0
ვალენსია 2021–22 ესპანეთიშ შილა
ლა ლიგა 		18 0 3 0 — — 21 0
2022–23 38 0 3 0 — 1[lower-alpha 3] 0 42 0
2023–24 37 0 0 0 — — 37 0
გვალო 93 0 6 0 0 0 1 0 100 0
ართო ეჭოფილი 150 0 11 0 3 0 3 0 167 0

ნაკორობული სტატისტიკა[რედაქტირაფა | წყუშ რედაქტირაფა]

მოახალებაშ თარიღი: 26 მანგი, 2024
ერუანული ნაკორობა წანა მატჩი გოლი
საქორთუოშ შილა
საქორთუო 		2021 1 0
2022 5 0
2023 8 0
2024 6 0
გვალო 20 0

ნაკორობული მატჩეფი დო გოლეფი[რედაქტირაფა | წყუშ რედაქტირაფა]

№ თარიღი შეხხვალამაშ აბანი მენძელი ანგ. სუმარი ტურნირი გოლეფი ხვილაფა წყუ
1 08.09.2021 სოფია ბულგარეთი ბულგარეთიშ შილა 4–1 საქორთუოშ შილა საქორთუო მაჸალური [19]
2 29.03.2022 ტირანა ალბანეთი ალბანეთიშ შილა 0–0 საქორთუოშ შილა საქორთუო მაჸალური Booked after 80 minutes 80' [20]
3 09.06.2022 სკოპიე მაკედონია მაკედონიაშ შილა 0–3 საქორთუოშ შილა საქორთუო ერეფიშ ლიგა [21][22]
4 23.09.2022 ქართი საქორთუო საქორთუოშ შილა 2–0 მაკედონიაშ შილა მაკედონია ერეფიშ ლიგა [23]
5 26.09.2022 გიბრალტარი გიბრალტარი გიბრალტარიშ შილა 1–2 საქორთუოშ შილა საქორთუო ერეფიშ ლიგა [24]
6 17.11.2022 შარჯა მაროკო მაროკოშ შილა 3–0 საქორთუოშ შილა საქორთუო მაჸალური [25]
7 28.03.2023 ბათუმი საქორთუო საქორთუოშ შილა 1–1 ნორვეგიაშ შილა ნორვეგია ევრ. გიშ. [26]
8 17.06.2023 ლარნაკა კვიპროსი კვიპროსიშ შილა 1–2 საქორთუოშ შილა საქორთუო ევრ. გიშ. [27]
9 20.06.2023 გლაზგო შოტლანდია შოტლანდიაშ შილა 2–0 საქორთუოშ შილა საქორთუო ევრ. გიშ. [28]
10 08.09.2023 ქართი საქორთუო საქორთუოშ შილა 1–7 ესპანეთიშ შილა ესპანეთი ევრ. გიშ. [29]
11 12.09.2023 ოსლო ნორვეგია ნორვეგიაშ შილა 2–1 საქორთუოშ შილა საქორთუო ევრ. გიშ. [30]
12 15.10.2023 ქართი საქორთუო საქორთუოშ შილა 4–0 კვიპროსიშ შილა კვიპროსი ევრ. გიშ. [31]
13 16.11.2023 ქართი საქორთუო საქორთუოშ შილა 2–2 შოტლანდიაშ შილა შოტლანდია ევრ. გიშ. [32]
14 19.11.2023 ვალიადოლიდი ესპანეთი ესპანეთიშ შილა 3–1 საქორთუოშ შილა საქორთუო ევრ. გიშ. [33]
15 21.03.2024 ქართი საქორთუო საქორთუოშ შილა 2–0 ლუქსემბურგიშ შილა ლუქსემბურგი ევრ. გიშ. [34]
16 26.03.2024 ქართი საქორთუო საქორთუოშ შილა 0–0 საბერძნეთიშ შილა საბერძნეთი ევრ. გიშ. 4–2[lower-alpha 4] [35]
17 09.06.2024 პოდგორიცა მონტენეგრო მონტენეგროშ შილა 1–3 საქორთუოშ შილა საქორთუო მაჸალური [36]
18 18.06.2024 დორტმუნდი თურქეთი თურქეთიშ შილა 3–1 საქორთუოშ შილა საქორთუო ევრო 2024 [37][38]
19 22.06.2024 ჰამბურგი საქორთუო საქორთუოშ შილა 1–1 ჩეხეთიშ შილა ჩეხეთი ევრო 2024 [39]
20 26.06.2024 გელზენკირხენი საქორთუო საქორთუოშ შილა 2–0 პორტუგალიაშ შილა პორტუგალია ევრო 2024 [40]


რესურსეფი ინტერნეტის[რედაქტირაფა | წყუშ რედაქტირაფა]

თემატური საიტეფი
AFS · BDFutbol · EU-Football.info · FBref.com · FootballDatabase.eu · FootballFacts.ru · L’Équipe · National Football Teams.com · Soccerbase · Soccerway · playmarkerstats.com · Transfermarkt · WorldFootball.net · Internet Movie Database
მედია
Sportall.ge · WorldSport.ge

კომენტარეფი[რედაქტირაფა | წყუშ რედაქტირაფა]

  1. ↑ საქორთუოშ ნაკორობაქ თე ისტორიული მატჩი გეჸვენჯი აკოდგინალუათ მანჯჷ: მამარდაშვილი, კაკაბაძე, კაშია, კვირკველია, დვალი, შენგელია (წიტაიშვილი 86), ქოჩორაშვილი, კიტეიშვილი (კვეკვესკირი 104), ჩაკვეტაძე (დავითაშვილი 104), კვარაცხელია (ქვილითაია 109), ზივზივაძე (მიქაუტაძე 75).

სქოლიო[რედაქტირაფა | წყუშ რედაქტირაფა]

  1. ↑ ELIGA AWARDS 2020 Archived 2023-08-12 ვებ-ხასჷლას Wayback Machine. // europop.ge
  2. ↑ გაგრელი მწვრთნელის ხსოვნას ტურნირი მიეძღვნა
  3. ↑ Lokomotivi Tbilisi vs. Rustavi / Erovnuli Liga // soccerway
  4. ↑ Rustavi vs. WIT Georgia / Erovnuli Liga // soccerway
  5. ↑ Lokomotivi Tbilisi vs. Dinamo Batumi / Erovnuli Liga // soccerway
  6. ↑ Saburtalo vs. Lokomotivi Tbilisi / Erovnuli Liga // soccerway
  7. ↑ ესპანელების ყურადღება „გრანადასთან“ მატჩში მიიპყრო
  8. ↑ საუკეთესო მოთამაშეები პოზიციების მიხედვითაც გაირკვა
  9. ↑ 50 for the future: UEFA.com's ones to watch for 2021
  10. ↑ Georgian goalkeeper joins on loan with an option to buy
  11. ↑ Mamardashvili ya está en València
  12. ↑ Mamardashvili se hace gigante
  13. ↑ Bordalás y Mamardashvili se divierten en la locura de Mestalla
  14. ↑ Sweden U17 4–0 Georgia U17 / UEFA U17 Championship // soccerway
  15. ↑ UEFA U21 Championship 2023 Romania/Georgia // Group A
  16. ↑ მადლობა, რომ საქართველო ვართ - როგორ დავწერეთ ისტორია. დოარქივაფილი რე ორიგინალშე 2024-03-27-ს. კითხირიშ თარიღი: 2024-04-01.
  17. ↑ საქართველოს ნაკრებმა საბერძნეთი დაამარცხა
  18. ↑ თარგი:Soccerway
  19. ↑ Bulgaria 4–1 Georgia / Friendlies // soccerway
  20. ↑ Albania 0–0 Georgia / Friendlies // soccerway
  21. ↑ North Macedonia 0–3 Georgia / UEFA Nations League // soccerway
  22. ↑ North Macedonia 0–3 Georgia / UEFA Nations League // uefa.com
  23. ↑ Georgia 2–0 North Macedonia / UEFA Nations League // soccerway
  24. ↑ Gibraltar 1–2 Georgia / UEFA Nations League // soccerway
  25. ↑ Morocco 3–0 Georgia / Friendlies // soccerway
  26. ↑ Georgia 1–1 Norway / Qual. Euro 2024 // soccerway
  27. ↑ Cyprus 1–2 Georgia / Qual. Euro 2024 // soccerway
  28. ↑ Scotland 2–0 Georgia / Qual. Euro 2024 // soccerway
  29. ↑ Georgia 1–7 Spain / Qual. Euro 2024 // soccerway
  30. ↑ Norway 2–1 Georgia / Qual. Euro 2024 // soccerway
  31. ↑ Georgia 4–0 Cyprus / Qual. Euro 2024 // soccerway
  32. ↑ Georgia 2–2 Scotland / Qual. Euro 2024 // soccerway
  33. ↑ Spain 3–1 Georgia / Qual. Euro 2024 // soccerway
  34. ↑ Georgia 2–0 Luxembourg / Qual. Euro 2024 // soccerway
  35. ↑ Georgia 0–0 Greece / UEFA Euro 2024 Qualifiers // soccerway
  36. ↑ მონტენეგრო 1–3 Georgia / Friendlies. soccerway
  37. ↑ Türkiye 3–1 Georgia / UEFA Euro 2024. soccerway
  38. ↑ Türkiye 3–1 Georgia / BVB Stadion Dortmund. UEFA
  39. ↑ Georgia 1–1 Czechia / UEFA Euro 2024. soccerway
  40. ↑ Georgia 2–0 Portugal / UEFA Euro 2024. soccerway


ციტირაფაშ ჩილათა ჯგუფი „lower-alpha“ არსებული ტეგებისათვის <ref> ვერ მოიძებნა შესაბამისი ტეგი <references group="lower-alpha"/>, ან გამოტოვებულია დამხურავი ტეგი </ref>

გორილი რე "https://xmf.wikipedia.org/w/index.php?title=გიორგი_მამარდაშვილი&oldid=224540"-შე