გიორგი ცაავა (არტისტი)

გიორგი ცაავა
დაბადებაშ აბანი	ქართი
დებადჷ	30 ეკენია, 1976 (1976-09-30)
საქვარუა	არტისტი, მუსიკოსი
აკოქიმინჯალაშ წანეფი	2001–ასეშა

გიორგი ცაავა (დ. 30 ეკენია, 1976, ქართი) ― ქორთუ თეატრიშ დო კინოშ არტისტი, ვაპროფესიონალი მუსიკოსი დო ენერგეტიკოსი. თიშ კარიერას ეჩიშა ტელეროლი რე. გიშაკერძაფილო პოპულარულქ იჸუ სერიალით – (ტიფლისი 2014), ნამუსჷთ ტყას გოლაფირი ქიარიმაშ როლი არსულჷ.

ბიოგრაფია

გიორგი ცაავაქ დებადჷ 1976 წანაშ 30 ეკენიას, ქართის. მუმაშ განშე მარგალური ზისხირი უღუ. დიამუში დაღესტანარი ურია – ანისიმოვა. უღუ კაზაკური ზისხირით. თიში ბიძისქუალეფი ამდღარშა დაღესტანს ოხორანა. უღუ კონტაქტი თელავივს მოჯგირეეფწკჷმა. ჸუნს ჟირი სქუა: ნიკოლოზი დო ალექსანდრე. ალმასქუ, ეკა, პროფესიათ რეჟისორი დო ხანტუ რე.

თიშო მაართა ფილმი რდჷ ერეკლე ბადურაშვილიშ 2003 წანაშ ფილმი – "ხოლო ართი ქორთული ისტორია", ნამჷსჷთ ფსიქიურო დალახებურ ადამიერს ასახიერენდჷ. თიში ნარაგადით, ათე როლიშე გიშაულარო დიდი ხანი მიკორინუ. ათე ბორჯის არტისტი ფილმეფსჷთ ახონარენდჷ. 2008 წანას ვალერიან კირკიტაძეშ – "მედალიონს" თარი როლი მიღჷ. 2010 წანას ილაჸაფჷ კუნტამეტრაჟიან ფილმის – "ეკენია".

ამდღარშო მუშენს ტელეკომპანია GDS-ის პროდიუსერო დო პარალელურო ოკათჷ სერიალეფს.

მოღალობა

2010 წანას გიორგი ცაავა ქორთულ ტელესერიალ K-17-ის ლაჸაფენდჷ, ნამჷთ ოჯარალე მაუჭყაფალიშ დოკვათუათ გინიღეს. არტისტი რუს პერსონაჟის ლაჸაფენდჷ.

ათეშ უკული რდჷ როლი ლევან დაბრუნდაშვილიშ დო ჯაბა მელქაძეშ 2011 წანაშ ართობული ფილმის – "ანოშ დო ვანოშ დუდსგინულირი". უკული არჩილ ქავთარაძეშ 2013 წანაშ ფილმი – კომა.

გიორგი ცაავაშ მაართა ჩინებული როლი რე – სერიალ პანიკაშ უმშოშ ნაჟირალიშ როლი.

უკული რდჷ ეპიზოდური, ალეკო ცაბაძეშ ჩინებულ ფილმის "რენე მეურს ჰოლივუდშა". ათეშ უკული რენი ჰარლინიშ მარაშინათუთაშ 5 დღა. არტისტიშ ნარაგადით დიდი ბედინერება რდჷ თიშო ათე ფილმის ლაჸაფი. თაქ თინა მაიორიშ როლს ლაჸაფენდჷ, პოლკოვნიკიშ როლს ენტონი ჰოპკინსი ოკო ჸოფედჷკო, ნამჷქჷთ ვარია გაცხადჷ პროპაგანდისტულ ფილმის ლაჸაფშე.

არტისტი „ჩქიმი ჩილიშ დაქალეფსჷთ“ გუმორჩქინდჷ, ბარათეონიშ, ანუ დათო დარ-ჩიაშ ალმახანდეშ როლს.

2013 წანას 21–ა ოშწანურაშ ართ–ართ საუჯგუშო ფილმო აღიარებულ ზაზა ურუშაძეშ მანდარინეფს ლაჸაფენს ხოლო ართი უბადოშ მაქიმნალიშ როლს. თინა აფხაზი მალჷმორი რე, ნამუსჷთ ახმედიშ რხუალა ულამუ.

გეჸვენჯი ფილმიქ იჸუ მიშელ ჰაზანავიჩუსიშ 2014 წანაშ ფილმი "გორუა". თაქ გიორგი ეპიზოდურ, პოლიციარიშ როლს რე, ნამჷთ თარი პერსონაჟის ჩხირკუნს.

არტისტიშ არძაშე გიშნაგორა როლი რე სერიალ ტიფლისის ქიარიმშ პერსონაჟი.

ამდღარშო, გიორგიშ ბოლო ფილმი რე – ნაღმი – ქორთული თრილერი, ნამჷთ ურცხოეთისით წჷმოძინელო გიმიჩინჷ. უახალაში სერიალი – "ქერჩი – დინაფილი გერგეზეფი", ნამჷსჷთ ეჩმადუდეშ დო ოფიცერიშ – გრიგორი მალკოვიჩის ლაჸაფენს.

ფილმოგრაფია

თარი კინო როლეფი

• ,,ნაღმი“ – დევი – რეჟ. ლევან ბახია (2015)
• ,,გორუა“ – პოლიციარი – რეჟ. მიშელ ჰაზანავიჩუსი (2014)
• "კომა“ – დეტექტივი მამუკა – რეჟ. არჩილ ქავთარაძე (2013)
• ,,მანდარინეფი“ – აფხაზი მალჷმორი – რეჟ. ზაზა ურუშაძე (2013)
• ,,ანო დო ვანოშ დუდსგინულირი“ – არაკიშ გერგეზი – რეჟ. ლევან დაბრუნდაშვილი (2011)
• "მარაშინათუთაშ 5 დღა" – რუსი მაიორი – რეჟ. რენი ჰარლინი
• "რენე მეურს ჰოლივუდის" – უჯოხობუერი – რეჟ. ალეკო ცაბაძე
• "ეკენია" – უჯოხობუერი – რეჟ. ვაუჩქუნა (2010)
• "მედალიონი" – უჯოხობუერი – რეჟ. ვალერიან კირკიტაძე (2008)
• "ხოლო ართი ქორთული ისტორია" – პაციენტი – რეჟ. ერეკლე ბადურაშვილი (2003)

სერიალი

• ,,K-17“ – ბიკოვი (2010)
• ,,ჩქიმი ჩილიშ დაქალეფი“ – გუგა ებრალიძე – რეჟ. ჯაბა მელქაძე (2011–ამდღარშა)
• ,,პანიკაშ უმშო“ – ნაჟირალი – რეჟ. ლევან დაბრუნდაშვილი (2013–2014)
• ,,ტიფლისი“ – კიტა – რეჟ. ლევან დაბრუნდაშვილი (2014–2015)
• ,,ქერჩი – დინაფილი გერგეზეფი“ – კაპიტანი გრიგორი მალკოვიჩი – რეჟ. ლევან დაბრუნდაშვილი (2015–ამდღარშა)

რესურსეფი ინტერნეტის

• გიორგი ცაავა (არტისტი) — კინოფილმეფიშ ინტერნეტ მუნაჩემეფიშ ბაზას (ინგლისური)
• გიორგი ცაავა იბირს – პაპარაცი TV
• სოფო ხერხეულიძე, გიორგი ცაავა ონდღე GDS-ს
• არაკორექტული შოუ - გინოჩამა 11 , გიორგი ცაავა