მანდარინეფი

ვიკიპედია-შე
Jump to navigation Jump to search
მანდარინეფი
ჟანრი:

დრამა

რეჟისორი:

ზაზა ურუშაძე

სცენარიშ ავტორი:

ზაზა ურუშაძე

თარ როლეფს:

ლემბიტ ულფსაკი, მიხეილ მესხი, გიორგი ნაკაშიძე, ელმო ნიუგანენი

კომპოზიტორი:

ნიაზ დიასამიძე

ხანტუ:

თეა თელია

კინოსტუდია:

Allfilm

ქიანა

ესტონეთი, საქორთუო

ნინა:

ესტონური, რუსული, ქორთული

ვებხასჷლა:

Facebook ხასჷლა

მანდარინეფი (ესტ. Mandariinid) — რეჟისორ ზაზა ურუშაძეშით კინოსტუდია „Allfilm-ს“ 2013 წანას გინოღალირი ხანტურული ფილმი. თარი როლეფს: მიხეილ მესხი, გიორგი ნაკაშიძე, ლემბიტ ულფსაკი დო ელმო ნიუგანენი. ფილმი ნომინირაფილი რდჷ ორქოშ გლობუსის საუჯგუშო ურცხონინამი ფილმიშ ჯილდოს, ხოლო ოსკარის საუჯგუშო ურცხონინამი ფილმიშ ჯილდოს.

სიუჟეტი[რედაქტირაფა | წყუშ რედაქტირაფა]

ფილმიშ სიუჟეტი ივითარებჷ აფხაზეთიშ ლჷმაშ პერიოდის, მორო ფილმის ვარე ნაძირეფი ლჷმაშ სცენეფი. თის მოთხობილი რე აფხაზეთს მახორუ ესტონარეფიშ გეშა. ლჷმაშ ბორჯის ესტონეთიშ ხეშუულებაქ აფხაზეთიშე თექ მახორუ ესტონარეფი გიშეჸონჷ, მარა თინეფშე მუსხირენქ დოსქილადა ისხუნუ აფხაზეთის. ოფუტეს ჟირი მოხორუქ ასქიდჷ. ქორთუეფს დო ჩეჩენეფს შქას მოხვალამირი ტაკაფიშ უკული ართ-ართი ესტონარი, ივო, ჸუდეს მითიფორუანს ღურაშ პიჯის მარენჯ ნტერეფს: ჭყოლირი ქორთუ მოხალისე მალჷმორს დო დაქირებულ ჩეჩენ ბოევიკის. გიშარჩქინდუ, ნამდა ესტონარი ივოშ სქუაქ ლჷმაშ დოჭყაფას ქორთუეფიშ ხეთ ღურჷ.

როლეფს[რედაქტირაფა | წყუშ რედაქტირაფა]

გინოღალეფი[რედაქტირაფა | წყუშ რედაქტირაფა]

„მანდარინეფი“ ქორთულ-ესტონური პროექტი რე, ნამუქჷთ ევრიმაჟიშ მოხვარათ იღოლინ. დოფინანსაფაშ დიდი ნორთი ესტონური განქ გოჩჷ დო ორქოშ გლობუსის დო ოსკარეფს თიში ნომინირაფაშ ნებათ მუშო დიტუ.

ჯილდოეფი[რედაქტირაფა | წყუშ რედაქტირაფა]

ფილმიქ იჸუ ვარშავაშ ოერეფოშქაშე კინოფესტივალიშ ჟირი ნომინაციაშ — „საუჯგუშო რეჟისურაშ“ დო „აუდიტორიაშ ჯილდოშ“ გომორძგვილქ.[1] ხოლო მიღჷ ესტონეთიშ კინოჟურნალისტეფიშ ჯილდო, მანჰაიმ-ჰაიდელბერგიშ ოერეფოშქაშე კინოფესტივალიშ მაჯინეეფიშ პრიზი, აუდიენციაშ ჯილდო ეგვიპტეს[2]ფილმი ესტონეთიქ წჷმარინუ ოსკარიშ საუჯგუშო ურცხონინამი ფილმიშ კატეგორიაშო.[3] საბოლოთ, ფილმიქ მიღჷ ნომინაციეფი ორქოშ გლობუსიშ ჯილდოს საუჯგუშო ურცხონინამი ფილმიშო[4], ხოლო ოსკარიშ საუჯგუშო ურცხონინამი ფილმიშ ჯილდოს[5].

რესურსეფი ინტერნეტის[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]