გიშაგორუეფი

ვიკიპედია-შე
გეგნორთი: ნავიგაცია, გორუა
ოგიშაგორუე ყუთი

გიშაგორუეფი — ოგიშაგორუე პროცესი, ნამუშ დოშანაფა დო შედეგი რე საჯარო ხეშუულებაშ წჷმორინაფონი ორგანოეფიშ დო საჯარო ხეშუულებაშ პოსტიშ პიჯეფიშ გიშაგორუა.

შხვადოშხვა სახენწჷფოშო გიშაგორუეფიშ შხვადოშხვა პროცედურა არსებენს. ირ გიშაგორუეფი ერუანულ სუვერენიტეტიშ არსებუაშ შვანს, პერიოდულ დო დუდიშულ გიშაგორუეფს გჷმოხანტილ კათაშ ნებას ოკო გერსხუდას. კათაშ ნება გეჸვენჯ ფაქტორეფს იკათუანს:

  1. საარძო დო წორი ოგიშაგორუე ნება;
  2. ქიანაშ მართუალას კათაფაშ ნება ბონი, ვარდა დუდიშული გიშაგორუეფიშ შედეგო გიშაგორილი წჷმმარინაფალიშ მეშქაშობათ;
  3. დორხველურ ქიანას სახენწჷფო ნინალაშ მეღებაშ წორი ნება;
  4. ფორილი კალიშრღვაფაშ, ვარდა გიშაგორუეფიშ ანალოგიური პროცედურაშ ნება, ნამუთ გიშმაგორალეფიშ ნებაშ დუდიშულ გჷმოხანტუალას უნარღელჸოფენს;
  5. თინჩალამი აკოშაყარუაშ დუდიშულა;
  6. ასოციაციეფიშ დუდიშულა;
  7. ზიტყვაშ დო არზის გჷმოხანტუალაშ დუდიშულა, ირნერი სახეშ ინფორმაციაშ დო იდეეფიშ ზეპირი, ჭარილი, ვარდა ბეშტილი სახეთ გჷთოგორუაშ, მეღებაშ დო გოფაჩუაშ ნებაშამო;
  8. ქიანაშ მენოღალეეფიშ ნება - დოთირუას მართუალაშ ფორმა კონსტიტუციური პროცედურეფიშ საშუალებათ.

გიშაგორუეფიშ სახეეფი[რედაქტირაფა | წყუშ რედაქტირაფა]

არსეენს გიშაგორუეფიშ მუსხირენი სახე:

  1. საართო გიშაგორუეფი - მორანწკე ვარდა რანწკუმუშო გიშაგორუეფი. მორანწკე გიშაგორუეფი — გიშაგორუეფი, ნამუთ იმანჯებუ საჯარო ხეშუულებაშ წჷმარინაფონი ორგანოშ ვარდა საჯარო ხეშუულებაშ პოსტიშ პიჯიშ ნებაგოქუნელობაშ ვადაშ თებაშ გეშა, საქორთუოშ კონსტიტუციათ დო კანონით დჷნადგინა ვადეფს. რანწკუმუშო გიშაგორუეფი — გიშაგორუეფი, ნამუთ იმანჯებუ საჯარო ხეშუულებაშ წჷმმარინაფონი ორგანოშ ვარდა საჯარო ხეშუულებაშ პოსტიშ პიჯიშ ნებაგოქუნელობაშ ვადაშახ მეჭყორიდუაშ გეშა.
  2. შქადვალური გიშაგორუეფი – ომანგე ოგიშაგორუე ოლქის მაჟორიტარული ოგიშაგორუე სისტემათ, ოგიშაგორუე კოდექსით დჷნადგინა წესით მანჯაფილი გიშაგორუეფი, ნამუთ იმანჯებუ ხეშუულებაშ წჷმმარინაფონი ორგანოშ აკოდგინალუაშ აკაფშაფალო;
  3. ხეახალი გიშაგორუეფი – გიშაგორუეფი, ნამუეფით მორანწკე გიშაგორუეფშო დჷნადგინა წესით ხეახაშო იმანჯებუ: თუ მაჟორიტარული ოგიშაგორუე სისტემათ მანჯაფილ გიშაგორუეფს ოკათუდჷ ართი კანდიდატი დო კანონით დჷნადგინა წესით მინწყუ მუში კანდიდატურა; თუ პროპორციული ოგიშაგორუე სისტემათ მანჯაფილ გიშაგორუეფს მაკათური ვარც აკა ოგიშაგორუე სუბიექტის ვეგნართინ ოგიშაგორუე ბარიერი, ვარდა აგიშაგორუეფქ ვამანჯაფილო გჷმიცხადჷ ოგიშაგორუე ოლქეფიშ გვერდშე უმოსის; თუ გიშაგორუეფიშ შედეგეფქ ბათილო იჸუ ჩინებულქ სასამართალოშ გჷნოჭყვიდირით;

რესურსეფი ინტერნეტის[რედაქტირაფა | წყუშ რედაქტირაფა]


wikistub თე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გოფაჩათ.