საქორთუოშ კონსტიტუცია

ვიკიპედია-შე
Jump to navigation Jump to search
საქორთუოშ კონსტიტუცია

საქორთუოშ კონსტიტუციასაქორთუოშ სახენწჷფოშ ჯინჯიერი კანონი, მიღჷ საქორთუოშ პარლამენტიქ 1995 წანაშ 24 მარაშინათუთას. თიქ ნძალაშა მიშართჷ 1995 წანაშ საქორთუოშ ახალეშნაგორა პარლამენტიშ ნებაგოქუნელობაშ ჩინებაშ დღაშე[1].

საქორთუოშ კონსტიტუციაშ მეჯინათ, საქორთუო რე ზოხომარინჯი, ართიანი დო უგურთჷ სახენწჷფო, მუთ დოდასურაფილიე 1991 წანაშ 31 მელახის ქიანაშ ნთელ ტერიტორიას, თინეფ შქას, აფხაზეთის ასსრ-ს დო ცხინვალიშ რეგიონს (ჸოფილ ობჟათე ოსეთიშ ავტონომიური ოლქის) მანჯაფილი რეფერენდუმით დო 1991 წანაშ 9 პირელიშ საქორთუოშ სახენწჷფობური ზოხორინალაშ ეკონწყუალაშ აქტით[2], საქორთუოშ სახენწჷფოშ პოლიტიკური ნწყილობაშ ფორმა რე დემოკრატიული რესპუბლიკა[3]. სახენწჷფო ხეშულობა, მუჭოთ არძა დემოკრატიულ სახენწჷფოს, იხორციელებჷ ხეშულობაშ დორთუალაშ პრინციპშე გეპონუათ — საქორთუოშ სახენწჷფო ხეშულობა ირთუ ოკანონდუმადვალე, ემაჸონაფალ დო სასამართალო ხეშულობათ. ხეშულობაშ წყუ რე კათა, ნამუთ მუშ ნძალანებას ახორციელენს რეფერენდუმიშ, უშქაშე დემოკრატიაშ შხვა ფორმეფიშ დო მუში წჷმმარინაფალეფიშ მეშქაშალათ.

საქორთუოშ კონსტიტუცია ანტკიცენს ადამიერიშ საარძოთ აღიარაფილ ნებეფს დო დუდიშალეფს[4]. სახენწჷფო ხეშულობა ჩინებულენს დო აღიარენს თე ნებეფს დო დუდიშალეფს, მუჭოთ უულჷ დო უჟინაშ ღირებულებეფს. ხეშულობაშ გახორციელებას კათა დო სახენწჷფო აკობორკილეფი რენა თე ნებეფით დო დუდიშალეფით, მუჭოთ უშქაშეთ მოქიმინჯე სამართალით[5].

საქორთუოშ კონსტიტუცია აცხადენს წამაფაშ დო აღმსარებელობაშ დუდიშალას, თეწკჷმა ართო, აღიარენს საქორთუოშ სამოჩქვაფილო ავტოკეფალური მართლმადიდებელური ეკლესიაშ გჷშაკერძაფილ როლს დო თიშ ზოხომარინჯალას<ref>საქართველოს კონსტიტუციის მე-9 მუხლის პირველი პუნქტი</ref>.

ლიტერატურა[რედაქტირაფა | წყუშ რედაქტირაფა]

  • საქორთუოშ კონსტიტუცია
  • ა. დემეტრაშვილი; ი. კობახიძე (2010). კონსტიტუციური სამართალი. ქართი. 
  • პ. ცნობილაძე (2004). კონსტიტუციური სამართალი, ტომი მაართა. ქართი. 
  • კ. კუბლაშვილი (2010). ჯინჯიერი ნებეფი. ქართი. 
  • ვოლფგანგ გაული (2002). კონსტიტუციაშ აკომუშება დო მეღება საქორთუოს (1993-1995). ქართი. ISBN 99928-0-447-5. 

სქოლიო[რედაქტირაფა | წყუშ რედაქტირაფა]

  1. საქართველოს კონსტიტუციის 104-ე მუხლის პირველი პუნქტი
  2. საქართველოს კონსტიტუციის პირველი მუხლის პირველი პუნქტი
  3. საქართველოს კონსტიტუციის პირველი მუხლის მე-2 პუნქტი
  4. საქართველოს კონსტიტუციის პრეამბულა
  5. საქართველოს კონსტიტუციის მე-7 მუხლი