გუბაზეული
| გუბაზეული | |
|---|---|
| |
| დოხასიათაფა | |
| სიგჷრძა | 47 კმ |
| ღანჩოშ ფართობი | 371 კმ² |
| წყარიშ ნადუ | |
| ოდუდე | გომისციხე (საქორთუო) |
| ინაკათუ | სუფსა |
| ორენი | |
| |
| ქიანა |  საქორთუო
|
გუბაზეული, თაშნეშე იშინუაფუ მუჭოთ გუბაზოული — წყარმალუ ჩოხატაურიშ მუნიციპალიტეტის, სუფსაშ კვარჩხანი ნადუ. გუბაზეულს ოდუდე უღუ მესხეთიშ ქჷნდჷრიშ ოორუე კართეს, გომისციხეშ გვალაწკჷმა, ზუღაშ დონეშე 2210 მეტრაშ სიმაღალას. გუბაზეულიშ სიგჷრძა რე 47 კმ, ღანჩოშ ფართობი - 371 კმ2. გუბაზეულიშ თარი ნადუეფი რე: ხანისწყალი დო კალაშა. გებაზეული ეთმიჯუმუაფუ თირიშ, ჭვემაშ დო დიხაშთუდონი წყარეფით. წყარალა უჩქჷ აფუნს, წყარიშ სიჭიჭარე - ზოთონჯის. გუბაზეულიშ წყარიშ ოშქაშე წანური ხარჯი რე 13,7 მ3/წმ.
გუბაზეულიშ ლეხერს იდვალუაფუ გეჸვენჯი ოფუტეეფი: ქვაბღა, ზოტი, თავპანტა, ბჟოლიეთი, ხევი, ხიდისთავი, ბუქსიეთი, ზენობანი, ქვენობანი, მეწიეთი, ჭაჭიეთი, ბუკნარი, ნაბეღლავი, ახალშენი, წიფნაგვარა, ბასილეთი.
საქორთუოშ ენერგეტიკაშ სამინისტროშით გახაზირებული რე ბჟოლიეთიშ დო ზოტიშ სუმი ჰიდროელექტროსადგურიშ - "გუბაზეული-2", "გუბაზეული-5" და "გუბაზეული-6" - კიდუაშ პროექტი. თე ბორჯიშო გუბაზეულს კიდილი რე ჭიჭე ზუმაში ჰესი ოფუტე ხიდისთავიწკჷმა.
გუბაზეულიშ ლეხერი ღმალიერი რე მინერალური წყარეფით. თე მინერალური წყარეფიშე გიშეგორუ სანისლიაშ თერმული მინერალური წყარი ოფუტე ზოტის ბორჯომიშ ტიპიშ მინერალური წყარი ნაბეღლავი ოფუტე ნაბეღლავს. 'გუბაზეულიშ' ლეხერს, კერძოთ ოფუტე ზოტის, რე პირიტიშ ოდაბადუ დო ჭუბურიშ ტყალეფი ოფუტე თავპანტას.
ლიტერატურა[რედაქტირაფა | წყუშ რედაქტირაფა]
- აფხაზავა ი., ქორთული სხუნუეფიშ ენციკლოპედია, ტ. 3, ხს. 287, ქართი, 1978 წანა.
რესურსეფი ინტერნეტის[რედაქტირაფა | წყუშ რედაქტირაფა]
- გუბაზეულიშ ლეხერი Archived 2016-03-15 ვებ-ხასჷლას Wayback Machine.