დავით ტურაშვილი

დავით ტურაშვილი
დავით ტურაშვილი 2011 წანას, ქართიშ წიგნიშ ინტერნაციონალურ ფესტივალს
დაბადებაშ თარიღი:	10 მესი, 1966
დაბადებაშ აბანი:	ქართი
ერუანობა:	ქორთუ
საქვარუა:	ჭარუ, დრამატურგი
პერიოდი :	1988 - ამუდღარშახ
Magnum opus:	„ჯინსეფიშ მოითირი“ (2001)

დავით (დათო) ტურაშვილი (დ. 10 მესი, 1966, ქართი) — ქორთუ ჭარუ.

ბიოგრაფია

გაათუ ქართიშ 57-ა ოშქაშე სკოლა. გურაფულენდჷ ქსუ ფილოლოგიაშ ფაკულტეტის, თაშნეშე ლიტერატურაშ, კინოშ დო ხელუანობაშ ისტორიას ქართიშ, ოდო უკული ლონდონიშ დო მადრიდიშ უნივერსიტეტეფს, კინოდრამატურგიას - ერლომ ახვლედიანიშ ოსცენარე ორსანტიეს.

აქტიურო ოხოლუდჷ 1980–ამ წანეფიშ სტუდენტურ ყარაფის, მუჭოთ უნივერსიტეტიშ პრეს-კლუბიშ აქტიური მაკათური. რდჷ 1989 წანას დავითგარეჯაშ ომონასტერე კომპლექსის მონწყილი სტუდენტური ოპროტესტე აქციაშ ართ-ართი ხემანჯღვერი. ეკონია წანეფიშ განწხანს, ჭარუობაწკჷმა ართო, მეჸუნდჷ პედაგოგიურ საქვარუასჷთ – კითხულენდჷ ლექციეფიშ კურსის ქართიშ სახენწჷფო უნივერსიტეტიშ ჰუმანიტარულ ფაკულტეტეფს.

აკოქიმინჯალა

თიში მაართა რომანქ იბეშტჷ 1988 წანას. არძოშე უჯგუშო ჩინებული ნახანდი რე „ჯინსეფიშ მოითირი“ (ქორთ. - „ჯინსების თაობა“), ნამუდგაშ სცენური ვერსიაშ პრემიერაქ 2001 წანაშ მესის იმანჯჷ თეატრალურ სარდაფის. თიშ შხვა ნაჭარეფ შქას რე ოშარალე „ჩინებული დო უჩინებუ ამერიკა“ (1993) დო ჭარილეფიშ კათელი „კატმანდუ“ (1998), თაშნეშე თხობელუეფიშ ჟირი კათელი დო კინოსცენარეფი. თიში თხობელუეფიშ მაართა კათელი „მერანი“-ქ გიშეშქვინჷ 1991 წანას.

სცენარეფიშ მოხ ჭარუნს რომანეფს, თხობელუეფს დო პიესეფს. დავით ტურაშვილიშ მაართა პროზაული კათელქ გჷმიბჟინუ 1991 წანას. ამუდღარშო გჷშაშქუმალირი აფუ 12 წინგი. თიში თხობელუეფი თანგილი რე 7 ნინაშა დო გჷმობჟინაფილი რე შხვადოშხვა ქიანაშ ლიტერატურულ პერიოდიკას. თაშნეშე რე ავტორი ომენცარე-რკვიობურ ჭარილეფიშ ლიტერატურაშრჩქინჯალას დო ისტორიოგრაფიას. თანგილი აფუ მუჭოთ პროზაული, თაშნეშე პოეტური ტექსტეფი რუსული, ინგლისური, ესპანური დო თურქული ნინეფიშე.

ჯილდოეფი

• 2008 - „საბა“ საუჯგუშო პიესაშო „უჩა კეტეფი“ („შავი კეტები“).

რესურსეფი ინტერნეტის

• დავით ტურაშვილიშ აკოქიმინჯალა Lib.ge-ს. (ქორთული)
• დათო ტურაშვილიშ „ამერიკული არიკეფი“ (ქორთული)
• დათო ტურაშვილიშ „მა მობურთე ქუვორდენი„ სხუნუა (ქორთული)
• დათო ტურაშვილი: ჭარუა, მუჭოთ ნება Archived 2011-10-08 ვებ-ხასჷლას Wayback Machine. (ქორთული)