დაფი

ვიკიპედია-შე
Jump to navigation Jump to search
დაფი
Laurus nobilis - Köhler–s Medizinal-Pflanzen-086.jpg
მენცარული კლასიფიკაცია
ჟინომაფე: ევკარიოტეფი
ომაფე: ჩანარეფი
გჷნართი: პეულამეფი
კლასი: ჟირლებერამეფი
რანწკი: დაფიშპეულამეფი
ფანია: დაფიშობურეფი
გვარი: დაფი
ლათინური ჯოხო
Laurus
თხილუაშ სტატუსი

Wikispecies-logo.svg
სისტემატიკა
ვიკინერობეფს

Commons-logo.svg
სურათეფი
ვიკიოწკარუეს

ITIS 18177
NCBI 85222

დაფი (ლათ. Laurus) — ჩანარეფიშ გვარი დაფიშობურეფიშ ფანიაშე. იროწვანე ჩიჩინაფურცელამი ჟირჸუდეამი ჯალეფი ვარდა ბართვეფი. დაფის ქორგაშობურ ბიბლათ აკოშაყარელი მოწვანე-ჸვინთელი პიოლეფი უღუ, მოლენე-უჩა წკამი გჷმნაღელი. დაფი იკათუანს 2 გვარობას, ნამუეფით გოფაჩილი რე სქირონაშქაზუღაპიჯის: 1. აიარი (რჩქვანელობური) დაფი (Laurus nobilis) ტანდაბალი, 2-12 (კანკალეშა 20 მ-შახ სიმაღალაშ ჯა ვარდა ბართვი რე. დაფი ტყას ირდუ (ვარდა გატყარებული რე) კოლხეთის დო ობჟათე ყირიმს, ზუღაშ დონეშე 150 მ-შახ სიმაღალას, სუბტროპიკული ლამე დო სქირე ჰეერიშ პიჯალეფს, რჩქვანელობურ კირქუამ დიხას. კანკალეშა აკმოქიმინჷნს წიმინდე ჯალონს. კულტივირაფილი რე ობჟათე ევროპას, ოორუე ამერიკას, საქორთუოს (თარო კოლხეთის, სოდე ჩანს დაფის პლანტაციეფი) დო ობჟათე ყირიმს. დაფი გოლოფაგჷმარძე ჩანარი რე. ჯგირო ირდუ ფალებკარბონატულ წირდე დიხას დო დიხაშ აწყათება ვეგნჷმუღუ. დაფი სინთეშ მოჸოროფე რე, მარა დაღარი დაორება ვანუ. დაფი ურზუ - 16-17°-შახ ჸინს. იმიარებუ თასით, დოჸაშუათ (სატიბას) დო ჸაშუათ (ზარხულს). ითასუ დამორჩილს ვარდა ორდოშიან აფუნს. ეშაფალუაშ პერიოდი იგჷრძარებუ 46-81 დღას. პეულანს პირელს, გჷმნაღელი გჷმათუთა-გერგობათუთას იმონდებუ. ხეჯეჯშე ეშნარდის ხვეიანო იკეთენს, ფურცელს ჟირი წანმოწანაშე ართშა შაყარანა. 1 ჰა-შე ირზენს ოშქაშეთ 1-1,2 ტონა მუნაწის. დაფის სუნელ-ორკვანალო გჷმირინუანა. საკონდიტრე დო საკონსერვე რეწუალას დო კულინარიას. დაფიშ გჷმნაღელიშ ზეთი ოკურნალებერი რე. დაფიშ მარქვა გამრზე დო მადირიკე რე (აკეთენა ანდაღებულ ავეჯის, შხვადოშხვა მორჩილ მეკონეფს). დაფი დეკორატიული რე, ჭკირუა ჯგირო გჷნმუღუ. დაფის გჷმირინუანა თელ ღობერო დო ბორდიურო. დაფიშ გურგინი დო ჸა ჯვეშიშე დიდებაშ დო გომორჯგუაშ სიმბოლოთ იკოროცხუდჷ; 2. აზორიშ (ანუ კანარიშ) დაფი (Laurus azorica, Laurus canariensis) გოფაჩილი რე მადეირაშ, კანარიშ დო აზორიშ კოკეფს, სოდე დაფიშობურეფიშ ფანიაშ შხვა გვარობეფწკჷმა ართო აკმოქჷმინუნს ლამე სუბტროპიკულ ტყალეფს ზუღაშ დონეშე 700 მ-შახ სიმაღალას. დაფი დოჭყანაფილი რე საქორთუოშ კანკალე ბაღ-პარკსჷთ. მერკეთ ჸინგჷმარზე რე.

ლიტერატურა[რედაქტირაფა | წყუშ რედაქტირაფა]